17.01.2020 / 16:46

У НАК у Віктара Лукашэнкі з’явілася маладая генеральная сакратарка ФОТА 13

30-гадовая Паліна Галавіна стала генеральным сакратаром Нацыянальнага алімпійскага камітэта.

Фота з vk.com.

Пасяджэнне выканкама НАКа праходзіла пад кіраўніцтвам першага віцэ-прэзідэнта арганізацыі Віктара Лукашэнкі. Прысутнічаў на выканкаме і міністр спорту Сяргей Кавальчук.

Кандыдатуру Галавіной прапанаваў кіраўнік НАК Аляксандр Лукашэнка. У такіх умовах яна была безальтэрнатыўна падтрыманая.

У абавязкі генсака НАК уваходзіць узаемадзеянне з Міжнародным алімпійскім камітэтам, міжнароднымі спартыўнымі федэрацыямі. Фактычна, гэта такі сабе «міністр замежных спраў» пры НАК.

Хто ж такая Паліна Галавіна? Яна нарадзілася ў верасні 1989 года ў Мінску, вучылася ў школе №45 ва Уруччы. Яе дзявочае прозвішча Ігнаценка. Потым вучылася на «Міжкультурнай камунікацыі» ў Лінгвістычным універсітэце, скончыла ВНУ ў 2012 годзе.

Працавала прэс-сакратаром Беларускай федэрацыі ветразевага спорту.

Іван і Паліна Галавіны. Фота vk.com.

Паліна замужам з Іванам Галавіным, ён расіянін, родам з Тулы. Дзеля кахання Іван пераехаў з Расіі ў Беларусь. Раней Іван захапляўся рок-музыкай, граў у аматарскім гурце. На сёння Галавін працуе старшым майстрам на «Мінсккамунцепласеткі».

Што тычыцца Паліны, то сярод сваіх цікавасцяў яна называе коней, маляванне і мовы. Любімай музыкай — метал.

Пра сябе ў сацыяльных сетках яна піша наступнае: «Avateina [яе нік у інтэрнэце] — дзяўчына, якая марыць не забыць мару, не здрадзіць сабе і не быць паглынутай штодзённасцю».

Яе папярэднік на пасадзе — 65-гадовы ўраджэнец расійскага Улан-Удэ Георгій Катулін. Ён быў генсакам НАК у перыяд 2005—2015 і 2017—2020 гадоў. Да гэтага працаваў у федэрацыі бодзібілдынгу і фітнэсу.

ЗП

31
пляткар / Адказаць
17.01.2020 / 18:25
якая ж яна маладая?
4
Джанни Родари / Адказаць
17.01.2020 / 19:01
Ну конечно нет! Пусть переводчиком идёт, ну или в службу обнимашек, от которой лысого мента от лысого ведущего воротит.
12
Электробус Vulgaris / Адказаць
17.01.2020 / 20:33
Трасціначка
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру