МЗС Расіі правяло прэс-канферэнцыю па выніках дзейнасці расійскай дыпламатыі ў 2019 годзе. На прэс-канферэнцыі былі закрануты і пытанні беларуска-расійскай інтэграцыі.
У расійскім ведамстве падкрэслілі, што Беларусь з'яўляецца для Расіі найбліжэйшым хаўруснікам і стратэгічным партнёрам.
«Цяпер працягваецца работа, накіраваная на паглыбленне інтэграцыі Расіі і Беларусі. Падрыхтавана Праграма дзеянняў па рэалізацыі Дагавора аб Саюзнай дзяржаве, якая была парафіравана кіраўнікамі ўрадаў Расіі і Беларусі ў верасні 2019 года ў Маскве.
Вядзецца праца над галіновымі «дарожнымі картамі», нацэленымі на яе выкананне. Гэтыя «дарожныя карты», усяго іх трыццаць адна, з'яўляюцца траекторыяй далейшай інтэграцыі нашых краін практычна ва ўсіх сферах гаспадарчага жыцця — фінансавай, прамысловай і іншых», — заявіла расійскае МЗС.
