20.01.2020 / 13:13

З'явіліся новыя сакратар Рады бяспекі, міністр абароны і начальнік Генштаба 28

У беларускіх сілавікоў сёння кардынальны ператрус.

Экс-міністр абароны Андрэй Раўкоў узначаліў Раду бяспекі.

Кіраўніком Мінабароны прызначаны Віктар Хрэнін. Раней ён кіраваў войскамі Заходняга аператыўнага камандавання.

Віктар Хрэнін. фота «Гродзенскай праўды»

Новы кіраўнік Генеральнага штаба — Аляксандр Вальфовіч. Яго папярэдняя пасада — першы намеснікам кіраўніка Генштаба.

Аляксандр Вальфовіч

***

Віктар Хрэнін

Нарадзіўся 1 жніўня 1971 года ў Навагрудку ў сям'і вайскоўца. Скончыў Усурыйскае сувораўскае вучылішча (1988), Омскае агульнавайсковае каманднае вучылішча (1992) і Ваенную акадэмію Беларусі (2005).

Усё жыццё пасля атрымання адукацыі служыў у войску. У 2014-2015 — начальнік штаба — першы намеснік камандзіра войскаў Заходняга аператыўнага камандавання. У 2015-2020 — камандзір войскаў Заходняга аператыўнага камандавання.

З 2020 — міністр абароны.

Аляксандр Вальфовіч

Нарадзіўся ў 1967 годзе ў Казані, школу сканчваў у Барысаве. Скончыў Маскоўскае вышэйнае агульнавайсковае вучылішча, Ваенную акадэмію Беларусі (1998), Ваенную акадэмію Генштаба Расіі (2008).

Служыў у Барысаве ў 72-м гвардзейскім вучэбным цэнтры. У 2005-2006 служыў у Генштабе ў Мінску.

У 2008-2010 — камандзір 120-й гвардзейскай механізаванай брыгады, у 2010-2012 — намеснік камандзіра войскамі Заходняга аператыўнага камандавання, у 2012-2015 — начальнік штаба, першы намесніка камандзіра войскамі Паўночна-заходняга аператыўнага камандавання, у 2015-2018 — камандзір войскаў Паўночна-заходняга аператыўнага камандавання. У 2018-2020 — першы намеснік начальніка Генштаба.

З 2020 — начальнік Генштаба.

NN.by

3
Нейкі чалавек / Адказаць
20.01.2020 / 13:19
Выдатнае прозьвішча для Міністра абароны :)
2
Гісторык / Адказаць
20.01.2020 / 13:29
Ниіколі не чуў такога беларускага прозвішча - Хрэнін
3
Ales' / Адказаць
20.01.2020 / 13:34
Усе навучаліся ў Расеі.
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру