Театр

«Сярожа вельмі тупы». Новы спектакль пра тое, што і з намі можа лёгка здарыцца, ад рэжысёра Дзмітрыя Багаслаўскага ў Ок16 

Піша тэатральны крытык Аляксей Стрэльнікаў. 

Сяргей, праграміст год трыццаці, нечакана атрымлівае званок. Кур'ерская служба вязе яму пасылку: «Мы будзем у вас цягам гадзіны, добра?» Сяргей пагаджаецца. Кур’еры прыязджаюць, але пасылку не аддаюць: «У нас такі парадак. Мы абяцалі быць у вас цягам гадзіны». Гадзіну чужыя людзі прабудуць у яго кватэры. Для чаго? Завязка для трылера і фільма жахаў… 

Фота Кацярыны Арціменя са старонкі Art Corporation у фэйсбуку.

Гэты спектакль узнімае тую ж тэму чалавека і ўлады, што і папярэдні спектакль рэжысёра Дзмітрыя Багаслаўскага паводле тэкста Дзмітрыя Данілава «Чалавек з Падольска» (яго можна пабачыць у Маладзёжным тэатры). Журы прэстыжнай прэміі «Залатая маска» назвала «Чалавека з Падольска» найлепшай расійскай п'есай 2018 года, а спектакль Багаслаўскага па выніках таго ж года адным з найлепшых назвалі беларускія крытыкі. Чалавек у гэтай п'есе сапраўды быў самым простым хлопцам Колем з Падольска, а ўлада ўвасаблялася паліцэйскімі, якія склалі на яго пратакол: маўляў, Коля не ўспрымае і не паважае Рэчаіснасць (з вялікай літары, бо так «паложана»).

У п'есе «Сярожа вельмі тупы» канфлікт пададзены не настолькі ў лаб. Улада кур'ераў загадкавай «службы дастаўкі» ўмоўная. Яны былыя вайскоўцы, супраць іх нельга выклікаць паліцыю або фізічна выштурхаць са сваёй кватэры. І вось яны прыйшлі, і застаюцца. Як сябе паводзіць гаспадару?

Кур'еры службы дастаўкі прагаварыліся, што маюць высокі IQ, гэта выклікае ў Сярожы смех. Навошта простым кур'ерам разумнасць? Сярожа-праграміст добра прыстасаваўся да сучаснага жыцця: працуе над банкаўскай прыладай для смартфонаў, мае кватэру, жанаты. З пункту гледжання сучаснага жыцця яго ніяк нельга назваць «тупым». Але ў прысутнасці трох мужчын у сваёй кватэры ён не можа вось гэтую сваю «разумнасць», гэты камфортны матэрыяльны і сацыяльны стан, ніякім чынам рэалізаваць. На тыя пытанні аб смерці, хваробах, дзецях, якія ўзнікаюць падчас няскладнай трывожнай размовы, ён адказаць не можа.

Гледачы ў зале сядзяць насупраць адзін аднаго, на адной з дзвюх трыбун. Кватэра Сярожы зроблена ўмоўна, без сцен, дзве канапы на колках, свяцільнікі, на падлозе дываны, двое дзвярэй вісяць у прасторы. Унутры пакоя ўсё ўвесь час рухаецца, кружыцца. Няма нічога пэўнага, няма ніякай сценкі, да якой можна прыхіліцца. Галоўны герой Сярожа адчувае сябе безабаронным пад пільнымі позіркамі гэтых дзіўных кур'ераў, і рэжысёр Багаслаўскі робіць яго кватэру і жыццё такім жа празрыстым для гледачоў. Акцёры ходзяць па гэтым невялікім квадраце сцэны, як дзікія звяры па клетцы.

Усе тры кур’еры, хоць і сыграныя яны вельмі па-рознаму (вылучаецца Аляксандр Шароў), але аднолькава самаўпэўненыя, нібы далучаныя да нечага вышэйшага, але сыграны яны вельмі па-рознаму. А вось Сяргей-праграміст (Дзмітрый Давідовіч) не ўпэўнены ні ў чым, і гэтым адлюстроўвае дух нашага часу, які не гарантуе спакой і стабільнасці нават тым, у каго ёсць грошы, праца, пасада.

Яшчэ больш пытанняў узнікае са з'яўленнем Машы, жонкі Сяргея, маладой строга апранутай жанчыны, якая спакойна і ветліва сябе трымае пры незнаёмцах. Яна ўваходзіць на моманце, калі госці спяваюць песню. «Жудасць нейкая!» — усклікае Сярожа. «Чаму жудасць? Вельмі прыгожы спеў…» — парыруе Маша, як быццам бы яна дакладна ведае, што гэта за госці і навошта яны прыйшлі.

Фота Кацярыны Арціменя са старонкі Art Corporation у фэйсбуку 

Маша быццам бы не баіцца, не хвалюецца. У паветры вісіць трывога і страх. А яна — які эфектны эпізод — прапануе гасцям чаю. Што далей?..

Фота Кацярыны Арціменя са старонкі Art Corporation у фэйсбуку 

У спектаклі класны фінал (мастачка Лідзія Малашэнка зрабіла цікавую работу, за выняткам хіба недарэчных касцюмаў кур'ераў), але многія загадкі так і застануцца неразгаданыя.

«Сярожа вельмі тупы» — гэта спектакль пра страхі нашага сярэдняга класа, пра крохкасць нашых «ячэек жыцця» і пра тое,як лёгка розум робіцца бездапаможны. Абавязкова схадзіце.

Комментарии

 
Нажатие кнопки «Добавить комментарий» означает согласие с рекомендациями по обсуждению.

Сейчас читают

«Ты зачапіла маю радзіму — і гэта подла». Рэперша из Беларуси записала ответ Инстасамке. Молодежь массово снимает под него тиктоки25

«Ты зачапіла маю радзіму — і гэта подла». Рэперша из Беларуси записала ответ Инстасамке. Молодежь массово снимает под него тиктоки

Все новости →
Все новости

Купаловский театр предлагает новую услугу: теперь там можно пожениться13

Кто такой Джейсон Деруло, которого премьер Турчин водил по Дому правительства8

Оливер из США выучил белорусский язык, потому что узнал, что его предки из Могилева59

В Амурской области России исчез самолет с 49 людьми на борту

Крутого айтишника, который вернулся из Грузии, осудили по четырем политическим статьям10

Два маленьких брата получили сильные ожоги при растапливании бани

Ходит легенда, что Оззи Осборн откусил голову живой летучей мыши. А что же произошло на самом деле?2

«Вышел из больницы с двумя открытыми ранами». Белорусу в Польше сделали операцию, а через два дня выписали12

Россия нанесла удары по нескольким областным центрам Украины

больш чытаных навін
больш лайканых навін

«Ты зачапіла маю радзіму — і гэта подла». Рэперша из Беларуси записала ответ Инстасамке. Молодежь массово снимает под него тиктоки25

«Ты зачапіла маю радзіму — і гэта подла». Рэперша из Беларуси записала ответ Инстасамке. Молодежь массово снимает под него тиктоки

Главное
Все новости →

Заўвага:

 

 

 

 

Закрыць Паведаміць