20.01.2020 / 15:56

У Барысаве загінуў мужчына — зваліўся ў яму ў двары. Але, здаецца, вінаватыя не камунальшчыкі дапоўнена 3

Ноччу ў двары дома па вуліцы Гагарына, 67, загінуў мужчына. Ён ехаў на ровары і не заўважыў яму, якую выкапалі для замены труб. Раніцай веласіпедыста знайшлі мёртвым, паведамляе ex-press.by

Відавочцы паведамілі, што мужчыну знайшлі каля 7 раніцы мясцовыя жыхары. Пазней на месцы працавалі супрацоўнікі Следчага камітэта.

Як растлумачылі ex-press.by ў ЖЭУ-2, яма з'явілася ў арцы ў канцы мінулага тыдня. Праз адсутнасць свабоднага зваршчыка працы адклалі на панядзелак. Яма была абгароджана і пазначаная спецыяльным знакам.

«Наша Ніва» пагутарыла з жыхарамі дома. Яны кажуць, што яму ўсё ж абнеслі стужкамі — але іх перыядычна зрывалі, то выпадкова, а то і наўмысна.

«Вялікі дом, на 21 пад'езд, абыходзіць не вельмі зручна. Яму абнеслі стужкай, але яна там то была, то не. Часам яе зрывалі людзі, каб прайсці праз арку. Часам чаплялі аўтамабілісты, калі разварочваліся. А ўраніцы цяпер яшчэ цёмна, ды плюс цёмная арка — яму не заўважыш», — кажуць людзі.

Цела 55-гадовага мужчыны заўважылі ў яме прыкладна каля 7-й раніцы. Кажуць, ён жыў на суседняй вуліцы. Загінуў, калі вяртаўся з працы: ехаў на ровары, вырашыў зрэзаць праз арку і ўляцеў у яму.

Паўдні на месцы працавалі міліцыянты і следчыя.

«Ехала на працу каля 10-й раніцы, цела яшчэ ляжала ў той яме. Вярталася каля 12-й гадзіны, яго выносілі», — распавяла «Нашай Ніве» мясцовая жыхарка. — А пасля прыгналі тэхніку і засыпалі яму літаральна за пару гадзін, усё вакол прыбралі».

NN.by

2
циник / Адказаць
20.01.2020 / 18:09
А пасля прыгналі тэхніку і засыпалі яму літаральна за пару гадзін, усё вакол прыбралі».

вось эта в этой гнилой стране они умеют делать, быстренько засыпать и прибыраць места своих преступлений. цветочки еще должны были засеять и деревце посадить и оградкой обнести 
11
Андрюха Горец (Беларусь Витебск ) / Адказаць
20.01.2020 / 21:38
Обьект был --ОБОЗНАЧЕН !!!   А Ты  куда - спешил ??!     На Тот  Свет - торопился ?  Ты туда -  Вовремя Успел ... Попал на самое  Водохрещение !.. (не примите за Злорадство -- но когда ДОСТОЙНО отмечаешь обьект  (Лентами  Заборчиками и конусами и  кто то  всего этого не замечает -- Это Бл..дь  Очень обидно !!! )
0
Яўген_2020 / Адказаць
20.01.2020 / 22:04
Ну якая лентачка. Металічная абгародка, ці блок бетонны, ці блок пластыкавы воданапаўняльны, павінен быць там дзе рух актыўны. На дарозе аўтамабільнай жа лентачку не павязваюць. Дзе веласіпедны рух тое самае павінна быць. 
Каб пакінуць каментар, калі ласка, актывуйце JavaScript у наладах свайго браўзеру