21.01.2020 / 11:07

У Брэсце ад менінгіту памёр 18-гадовы памежнік. Магчыма, пасля ўкусу кляшча 11

Фота са старонкі Паўла Сігнеева Укантакце.

Як стала вядома «Нашай Ніве», хлопец захварэў на менінгіт.

Хлопец прыехаў у Брэст для праходжання навучання па спецыяльнасці «інспектар памежнай службы». Праз 60 дзён яго не стала, піша Брэсцкая газета.

Пра тое, што ў Брэсце памёр малады памежнік, «БГ» распавёў афіцыйны прадстаўнік Брэсцкай памежнай групы Сяргей Дзмітрыеў. Хлопца звалі Павел Сігнееў. У чэрвені мінулага года яму споўнілася 18 гадоў. Яго прызвалі ў Брэст для праходжання навучання па спецыяльнасці «інспектар памежнай службы» з вёскі Стараград Кармянскага раёна. Прыбыў Павел 21 лістапада 2019 года.

«Усё здарылася раптоўна. 7 студзеня Павел быў накіраваны ў бальніцу хуткай дапамогі, а адтуль для далейшага лячэння — у Брэсцкую абласную бальніцу. На жаль, хвароба аказалася мацнейшай і ўчора (20 студзеня) — здарылася трагедыя, ён памёр», — распавёў Дзмітрыеў.

Паводле яго слоў, бацькам вайскоўца адразу паведамілі пра здарэнне. У Брэст прыехала яго маці.

«Пражывала ў нас тут жа, назірала, але адбылося тое, што адбылося», — сказалі ў прэс-службе пагрангрупы.

Па інфармацыі, якая цыркулюе сярод саслужыўцаў, прычынай менінгіту мог стаць клешч, які нібыта ўкусіў хлопца восенню, яшчэ да службы, але гэтаму факту сям'я ўвагі не надала. 

«Прыйшлі мы ў 20-х чыслах лістапада, а ў снежні ён пачаў наракаць на галаўныя болі. У медпункце яму нешта выпісвалі ад галавы, але не дапамагло. Пасля завезлі на абследаванне ў бальніцу — менінгіт!», — сказалі вайскоўцы «Нашай Ніве». 

NN.by

40
Свободный / Адказаць
21.01.2020 / 11:15
Жаль конечно, но условия бел прмии все знают? А парни сейчас что девушки худые щуплые (не жилистые не путать) иммунитета никакого только вейпы и узкие джинсы в большой массе а погран служба это лес долота дожди клещи и прочее поэтому вот...
3
Брыдкая пачвара / Адказаць
21.01.2020 / 11:41
Малады ,яшчэ. Нажаль не пашанцавала, спачуванні родным. Але ж я думаў, што беларуская медыцына павінна спраўляцца хоць і з небяспечнай, але ж усё ж вылечываемай хваробай. Тым больш у вялікім горадзе...
2
Святлана / Адказаць
21.01.2020 / 12:18
Спачуванні... Маладзенькі зусім, жыць бы яму яшчэ ды жыць...
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру