Брытанскі музыкант, адзін з заснавальнікаў «хэві-металу» Озі Осбарн расказаў, што змагаецца з хваробай Паркінсона, паведамляе BBC.
Фронтмен гурта Black Sabbath даведаўся пра свой дыягназ у лютым мінулага года.
«Перад Новым годам я даў апошні канцэрт. Потым я няўдала ўпаў. Прыйшлося рабіць аперацыю на шыі, што адбілася на нервовай сістэме», — сказаў музыка.
І ў рэшце рэшт да ўсяго непрыемнага дадалася навіна аб хваробе. «Гэта Паркінсон II тыпу, — распавяла жонка спевака Шэран. — Разнавіднасцяў вельмі шмат. Гэта далёка не смяротны прысуд, але ён паражае пэўныя нервы».
Хвароба Паркінсона — нейрадэгенератыўнае захворванне, якое вядзе разбурэння нерваў, што прагрэсуе. Яна лiчыцца невылечнай.
Осбарн адклаў сусветныя гастролі і большую частку часу цяпер праводзіць дома.
