22.01.2020 / 08:06

Бернар Арно страціў першае месца ў спісе найбагацейшых людзей свету з-за ўспышкі пнеўманіі ў Кітаі

Уладальнік канцэрна LVMH Бернар Арно страціў першае месца ў спісе самых багатых людзей свету па версіі Forbes. Пра гэта паведаміў сам часопіс.

Спіс зноў узначальвае заснавальнік Amazon Джэф Безас, які саступіў Бернару Арно лідарства 17 студзеня. Да 21 студзеня актывы Безаса павялічыліся на 489 мільёнаў даляраў - да 116,1 мільярда. У сваю чаргу актывы Арно зменшыліся на 3,7 мільярда - да 112,9 мільярда.

Арно страціў першае месца ў спісе Forbes з-за падзення акцый LVMH на фоне ўспышкі пнеўманіі ў Кітаі. Аналітыкі мяркуюць, што яна можа паўплываць на рынак люксавых тавараў, продажы якіх звычайна ўзрастаюць перад кітайскім Новым годам (у гэтым годзе яго святкуюць 25 студзеня).

Каб пакінуць каментар, калі ласка, актывуйце JavaScript у наладах свайго браўзеру