22.01.2020 / 18:48

Сябар Чудзянцова, журналіст Раман Пратасевіч папрасіў палітычнага прытулку ў Польшчы 19

21 студзеня скончыўся 2-месячны тэрмін зьняволеньня журналіста Ўладзімера Чудзянцова. Як паведаміў Свабодзе адвакат Уладзімера Чудзянцова Аляксандар Галіеў, яго пакінулі пад вартай.

Па словах адваката, у справе Ўладзімера Чудзянцова прызначылі яшчэ шэраг экспэртыз, сьледчыя чакаюць іхніх вынікаў.

Раман Пратасевіч, адзін з бліжэйшых сяброў і паплечнікаў Уладзімера Чудзянцова, неўзабаве пасьля затрыманьня журналіста распачаў кампанію збору сродкаў на аплату паслуг адваката. Як сказаў Пратасевіч Свабодзе, празь нейкі час пасьля гэтага ён быў вымушаны зьехаць з краіны і папрасіць палітычнага прытулку ў Польшчы.

«Я пачаў інфармацыйную хвалю ў абарону Ўладзімера, — расказвае Пратасевіч. — Збор грошай таксама каардынаваў, усё ішло празь мяне. І ў некаторы момант пачаў заўважаць нешта дзіўнае. Пачаліся праблемы з сувязьзю, каля пад’езду былі незразумелыя аўтамабілі ўвесь час. Усё было досыць падазрона. Аднойчы мне пазваніла маці і сказала, што ў пад’езьдзе стаяць невядомыя людзі. І што яны, найхутчэй, чакаюць мяне. Я зразумеў, што гэта ня проста так, і вырашыў зьяжджаць. Зьяжджаў праз Маскву, дабіраўся туды на двух аўтамабілях, выключыўшы загадзя тэлефон».

Дакумэнты на атрыманьне палітычнага прытулку Раман Пратасевіч падаў 22 студзеня. Па словах журналіста, ён ня меў дачыненьня да стварэньня фільму «Лукашэнка. Крымінальныя матэрыялы», які апублікаваны на youtube-канале Nехта. Але ён ведаў ад Чудзянцова, што над ім ідзе праца. Таксама Пратасевіч настойвае, што ня ўдзельнічаў у працы над тэлеграм-каналам Nехта.

Раман Пратасевіч.

«Я быў вельмі зьдзіўлены, калі зьявілася гэтая гісторыя з артыкулам 167 у дачыненьні да Ўладзімера, — дадае Пратасевіч. — Я даўно ведаю гэтага чалавека. Мы пазнаёміліся, калі мне было 15 гадоў. І калі б ён меў такія схільнасьці, то я б дакладна іх заўважыў. Нічога такога не адбывалася, нават жартаў ніякіх не было».

Па словах Рамана Пратасевіча, на дадзены момант збор сродкаў на аплату адваката для Ўладзімера Чудзянцова спынены, сабраная ўся сума — 10 тысяч рублёў. Пры патрэбе Пратасевіч гатовы распачаць новы збор.

75
Матёрый / Адказаць
22.01.2020 / 19:11
Остаётся на гособеспечении. Многие бродяги хотят туда попасть. Питание, проживание, постель. Всё это на плечи налогоплательщиков.
18
Сусед / Адказаць
22.01.2020 / 19:18
В чём вопрос?
Документальный фильм про Лукашенко основан только на документальных материалах. Уже всем давно всё ясно.
Пройдёт какое-то время и материалы эти пойдут в судебное разбирательство. 
Если Владику удастся избежать преследования, то дай Бог!
122
даведка / Адказаць
22.01.2020 / 19:24
Зачем сразу просить политическое убежище в другой стране, на которую и так работаешь, если рыльце не в пушку?!
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру