23.01.2020 / 13:23

Лукашэнка прапанаваў перагледзець адукацыйныя праграмы і ў школах, і ва ўніверсітэтах 17

Аляксандр Лукашэнка лічыць неабходным перагледзець адукацыйныя праграмы ў школах і ўніверсітэтах. Пра гэта ён заявіў сёння ў час размовы з навуковымі і навукова-педагагічным работнікамі пасля цырымоніі ўручэння дыпломаў доктара навук і атэстатаў прафесара, перадае БЕЛТА.

У час сустрэчы з кіраўніком дзяржавы зайшла размова аб беларускай адукацыі. Першы прарэктар БДУ доктар педагагічных навук Дзмітрый Мядзведзеў распавёў аб сваёй дысертацыі, якая спрабуе адказаць на вечныя пытанні: чаму і як вучыць.

«Галоўная, напэўна, тэма не толькі нашай адукацыі, навукі, але і наогул нашага жыцця — чаму навучаць і як вучыць», — адрэагаваў Аляксандр Лукашэнка.

Ён заўважыў, што не па чутках знаёмы са школьнымі падручнікамі, аднак іх якасць у яго часта выклікае пытанні. «Быццам навукоўцы нешта там вынайшлі, зразумелі, чаму навучаць, як вучыць, а калі пачынаем падыходзіць туды, дзе гэта павінна працаваць, — бяда, — канстатаваў ён. — Праблема, чаму вучыць і як, застаецца.

Мы ў гэтым годзе вернемся да гэтага пытання. Нам трэба паглядзець, чаму навучаць, праграмы пад гэта зрабіць. Не на чатыры-пяць-сем гадоў — а скараціць, дзе гэта можна, аж да таго, каб павыкідалі тэмы: вы гэтую тэму ў школе прайшлі — на гэтым узроўні для доктара і дастаткова».

Кіраўнік дзяржавы заклікаў педагогаў не баяцца магчымага скарачэння тэм і не трымацца за гадзіны.

«Мы лепш вам за меншыя гадзіны будзем больш плаціць. Нам трэба стварыць ёмістую сістэму адукацыі, каб сюды прыязджалі. Яны едуць, але могуць заўтра не паехаць. Нам трэба пастаянна ўдасканальваць адукацыю, — падкрэсліў Аляксандр Лукашэнка. — Часам абы зламаць, а замены няма. Так не спяшаецеся. Новае павінна расці са старога. Нешта павінна адмерці, яно так і ў жыцці бывае. Але не трэба рэвалюцыйна: новы свет пабудуем, але не ведаем які і не ведаем як».

0
Аксель / Адказаць
23.01.2020 / 13:31
Нам трэба стварыць ёмістую сістэму адукацыі, каб сюды прыязджалі.


https://nn.by/?c=ar&i=244894
Для начала что бы сюда начали приезжать, просто, кое-кто должен сойти.
0
Мікола / Адказаць
23.01.2020 / 13:34
Пакуль адзінае заўважнае вынаходніцтва ў сістэме адукацыі -- прымусова забіраць у дзяцей мабільнікі. На нічога іншага мазгоў на хапіла.
2
Бел / Адказаць
23.01.2020 / 13:34
Дык няхай Лукашэнка паставіць міністрам адукацыі доктара навук, а не Карпенку, яки да навуки не мае ниякага дачынення, и тады мяняюць праграмы!
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру