Музыка Пётр Клюеў, удзельнік гурта ЛСП, стаў госцем новага выпуску «Тока». У гутарцы гаворка зайшла і пра Расію.
— Вы з ЛСП шмат ездзіце па Расіі. Што ты зразумеў для сябе пра Расію новага?
— Разнастайная краіна, як яна трымаецца — не ведаю. Містыка нейкая. Калі ты ляціш з Масквы да Уладзівастоку і разумееш, што гэта тое самае, што і да Нью-Ёрку… Памеры, канечне, уражваюць. Але людзі… Паўсюль ёсць людзі добрыя і дрэнныя.
— Пра што думаюць людзі ў невялікіх расійскіх гарадах?
— Яны жывуць сваімі праблемамі. Задача — перажыць, выжыць, зарабіць, пракарміць сям’ю. Проста менш магчымасцяў. Калі гэта сям’я ў Швецыі, то ў іх больш магчымасцяў. Там гэта больш на такім побытавым узроўні.
— Чым Беларусь адрозніваецца ад Расіі?
— Мы абсалютна еўрапейская краіна. У кожным горадзе стаяць ратушы. Магдэбургскае права. У Туле гэтага ніколі не было, як і ў іншых гарадах. Таму мы абсалютная Еўропа, гэта нават не абмяркоўваецца. Самае цікавае, што ў некаторых гатэлях у Расіі, здаецца, гэта было ў Сочы, маладая дзяўчына бярэ пашпарт і пытаецца: «А дзе ваша віза?» Для моладзі да 25 год што Фінляндыя, што Беларусь, што Грэцыя. Яны не ведаюць, што нам не трэба віза, яны не ведаюць, што ў нас большасць людзей размаўляе па-руску. Ім гэта па-барабану. Для іх Беларусь — гэта абсалютна іншая краіна, еўрапейская. Калі кагосьці ў госці запрашаў, чуў: «Дык візу ж трэба рабіць». Ніякіх імперскіх амбіцый. Гэта натхняе.
— Гэта паўсюль так?
— Большасць там ужо, далей, за Бранскам. Для іх Беларусь — гэта міфічны заходні край.
Глядзець выпуск цалкам:
0:35 — пра першы канцэрт у Гродзенскай абласной філармоніі, калі бацька Пятра Клюева выскачыў на сцэну і выгукнуў у мікрафон: «Гэта мой сын!»
2:13 — «Пеця, у цябе нічога не атрымаецца»
3:48 — пра дзяўчат і першае каханне
6:54 — пра шлюб, развод і вяртанне да жонкі
11:00 — пра рэлігійнасць
11:34 — смерць маці
14:55 — карані
19:29 — пра карту паляка
22:54 — папулярнасць і зорная хвароба
25:41 — пра ЛСП і мільённыя аўдыторыі
27:36 — пра Расію
30:27 — чым Беларусь адрозніваецца ад Расіі
31:32 — ці праўда, што марыў заспяваць з Лепсам
37:00 — пра алкаголь
39:30 — самы трэшовы канцэрт
41:16 — пра вернасць
42:25 — колькі зарабляе
44:02 — каштоўнасці ЛСП
44:31 — чаму беларускі музыкі становяцца запатрабаванымі ў Беларусі толькі пасля таго, як здабываюць папулярнасць за мяжой
47:48 — Post Scriptum
Глядзіце таксама:
«Ток» з Віктарам Бабарыкам
«Ток» з Тадэвушам Кандрусевічам
«Ток» з Ірынай Халіп
