Брытанія вырашыла выдаліць украінскі трызубец з дапаможніка аб экстрэмістах
Паліцыя Вялікабрытаніі прызнала, што памылкова ўнесла ў антытэрарыстычны дапаможнік украінскі нацыянальны сімвал трызубец, і запэўніла, што выдаліць яго з навучальнага дакумента. Пра гэта гаворыцца ў заяве Контртэрарыстычнага ўпраўлення брытанскай паліцыі, піша Європейська правда.
«Мы маем цесныя працоўныя адносіны з нашымі ўкраінскімі партнёрамі і не маюць намеру нікога пакрыўдзіць. Мы сустрэліся з прадстаўнікамі МЗС Вялікабрытаніі і пасольства Украіны, і вырашылі прыбраць украінскі трызубец з даведніка знакаў і сімвалаў», — гаворыцца ў паведамленні.
Пасольства Украіны ў Вялікабрытаніі ў сваім Twitter адзначыла ролю дыпламатаў у дасягненні гэтага рашэння.
Раней паведамлялася, што ў дакуменце паліцыі Вялікабрытаніі па барацьбе з тэрарызмам у раздзеле аб знаках і сімвалах праварадыкальных груп у пераліку татуіровак быў прыведзены малы герб Украіны з подпісам «Украінскі трызубец (нацыяналістычны)».
Цяпер чытаюць
Маладую бібліятэкарку з Горак асудзілі за пратэсты3
Каментары