24.01.2020 / 07:24

Ці абараняюць медыцынскія маскі ад вірусу? 2

Хірургічныя маскі ўпершыню з'явіліся ў канцы XVIII стагоддзя. А шырока іх сталі ўжываць падчас пандэміі іспанскага грыпу ў 1919 годзе. Тады хвароба забрала больш за 50 мільёнаў жыццяў.

Доктар Дэвід Кэрынгтан з Лонданскага універсітэта патлумачыў bbc.com, што «звычайныя хірургічныя маскі не абараняюць ад вірусаў або бактэрый, якія вы пераносіце паветрам», а менавіта такім шляхам «перадаюцца большасць вірусаў». Маскі занадта вольна фіксуюць на твары, яны не маюць паветранага фільтра і пакідаюць неабароненымі вочы.

Але яны зніжаюць рызыку заражэння вірусам праз чханне ці кашаль і абараняюць ад інфекцыі, якая перадаецца праз брудныя рукі ў рот.

А людзі звычайна кранаюцца твару каля 23 разоў у гадзіну.

Джонатан Баль, прафесар малекулярнай вірусалогіі з Натынгемскага ўніверсітэта, сказаў: «У бальніцы маска прадухіляе заражэнне грыпам. Яна дзейнічае як рэспіратар».

«Аднак яе эфектыўнасць у штодзённым побыце — менш пераканаўчая. Даволі складана насіць маску на працягу доўгага перыяду часу», — дадаў прафесар Баль.

Доктар Конар Бэмфорд з Інстытута эксперыментальнай медыцыны Каралеўскага універсітэта ў Белфасце сказаў, што трымацца простых мер гігіены нашмат больш эфектыўна.

«Захінайце рот падчас чхання, мыйце рукі, не кранайцеся бруднымі рукамі твару. Гэта знізіць рызыку заражэння любым рэспіраторным вірусам», - сказаў ён.

Каб пазбегнуць заражэння навукоўцы раяць:

  • рэгулярна мыць рукі цёплай вадой з мылам;
  • не кранацца вачэй і носа;
  • весці здаровы лад жыцця.

Маскі трэба правільна насіць, часта мяняць і бяспечна утылізаваць. Тады будзе эфект.

Таму, па словах доктара Данінга, лепш засяродзіцца на асабістай гігіене.

NN.by

2
Вадзім / Адказаць
24.01.2020 / 12:23
Мне яны дапамагаюць увесну. Пылок, таполі. А ад грыпу прышчэпка цераз год ратуе.
1
Чеснок / Адказаць
24.01.2020 / 14:10
Маски в первую очередь защищают не вас, а других от передачи болезни воздушно-капельным способом, путем сдерживания части мокроты при кашле. Тут важна сознательность. Но едва ли из-за своего менталитета белорус потратит 30 копеек, дабы купить набор масок. Будут стоять, кашлять и заражать других на лестничной площадке, на улице, в общественном транспорте и у кабинета терапевта.
Каб пакінуць каментар, калі ласка, актывуйце JavaScript у наладах свайго браўзеру