Уладзімір Макей распавёў, дзе і з кім правёў апошні адпачынак
Кіраўнік МЗС Беларусі Уладзімір Макей распавёў, дзе і з кім правёў нядаўні адпачынак. Фота з тлумачэннем ён выклаў у інстаграме.
Макей распавёў, што тыднёвы адпачынак правёў у адным з беларускіх санаторыяў, «дзе маса працэдур, смачна кормяць, персанал вышкалены, і ўсё цікае як гадзіннік». Міністр удакладніў, што адпачываць у гэтае месца прыязджаюць круглы год, нават у такі «непапулярны і непагодны» час. Там адпачываюць грамадзяне 50 краін, і некаторыя прыязджаюць 7-ы раз і здалёку, да прыкладу, з Чукоткі. Замежных турыстаў захапляюць умовы пражывання ў беларускіх санаторыях, якасць мясцовых прадуктаў і стаўленне людзей.
Міністр таксама размясціў фота з адпачывальнікамі, з якімі бавіў вольны час за інтэлектуальнымі гульнямі. Сярод тых, каго аб'яднала гульня, былі азербайджанцы, армяне, рускія, украінцы, якія нарадзіліся ў Казахстане і, натуральна, беларусы.
«Дарэчы, у ходзе дыскусій на палітычныя тэмы, якія не маюць дачынення да гульняў (а яны, дыскусіі, паверце, былі гарачымі і нават з навешваннем ярлыкоў) у канчатковым выніку ўсё прыходзілі да ўзаемнага разумення, — адзначыў міністр замежных спраў. — Яшчэ раз пераканаўся, што Беларусь — гэта краіна, дзе заўсёды рады бачыць усіх, дзе ўсе пачуваюцца як дома і дзе нават канфліктуючыя бакі становяцца сябрамі!»
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары