Аляксандр Лукашэнка выступае пра зацікаўленасць у добрых і братэрскіх адносінах з Расіяй. Пра гэта ён заявіў, выступаючы перад работнікамі завода газетнай паперы ў Шклове, перадае БелТА.

«Вы павінны ведаць: мы не гуляем у нейкія гульні. Мы не хочам залішне напружваць нашага галоўнага саюзніка. Гэта сапраўды наш галоўны саюзнік. Можа, адумаюцца і вернуцца да нармальных стасункаў.

Мы хочам працаваць з імі, але на роўных умовах. Людзі, прадпрыемствы павінны быць у роўных умовах, і краіны павінны быць у роўных умовах», — сказаў ён.

Лукашэнка адзначыў, што гэта не значыць узяць усё, што ёсць у Расіі і Беларусі, скласці і напалову падзяліць. «Не трэба нам, мы падавімся ад гэтага кавалка. Мы павінны проста існаваць у роўных умовах. І канкураваць. І я ўпэўнены, што мы справімся», — падкрэсліў Аляксандр Лукашэнка.

Кіраўнік дзяржавы лічыць, што перажываць няма чаго, у Беларусі выдатныя адносіны з многімі дзяржавамі. Напрыклад, вядуцца пастаўкі вялікай колькасці прадукцыі на кітайскі рынак.

«Мы ўжо сёння асабліва не пакутуем, што яны (расійскі бок) закрываюць нам рынак па прадуктах харчавання. Прытым нахабна, беспардонна, без прычыны. Каб нахіліць, зняважыць. Мы гэтым не адказваем. Але ж мы можам і адказаць. Калісьці было, калі яны пачалі нас тарпедаваць. Мы пачалі іх аўтамабілі правяраць пад Смаленскам. І чарга выстраілася па чыгунцы і аўтатранспарту да Крамля. Тады ўбачылі, што так рабіць нельга», — заявіў кіраўнік дзяржавы.

«Усякае мы перажывалі. Але гэта нам не трэба. Я гэта кажу шчыра і адкрыта. Нам патрэбныя нармальныя сяброўскія, брацкія адносіны. Калі гэтага старэйшы брат хоча», — рэзюмаваў Аляксандр Лукашэнка.

Хочаш падзяліцца важнай інфармацыяй ананімна і канфідэнцыйна?

6
Той самы / Адказаць
24.01.2020 / 13:36
Не стагні, сусанін. Сам давёў да такога стану, клаў яйкі ў адзін кошык. 

Панападпісваў кучу нелегітымных, спрыяльных выключна для Расеі дакумантаў і зараз ные.

Тэрміновая дэнансацыя і ўсталяваньне сувязяў зь іншымі краінамі, развітымі...
13
Непрыхвасьцень / Адказаць
24.01.2020 / 13:42
саша, ну как ты можешь отказать? ну?.. 25 лет было для того осознать простой факт того, что на востоке тебе вовсе не друзья/братья; они хлопотали за тебя, чтоб подставить.. по-видимому, на роду кое-кому написано стать аналогом станислава августа понятовского для польши..
6
меркаванне / Адказаць
24.01.2020 / 13:55
Пласцінку заела.. "Старыя песні аб глаўным" цяпер для пакалення Колькі і ўнучат. Вова і Саша- брацця да смерці? Астатнім навошта навязваць нейкую радню? Паважаюць, маюць стасункі з годнымі, а "радню" трэба цярпець якая яна б не была? Асабіста мяне такая дэманстрацыя сада-маза з прагібамі і ліслівымі прыніжэннямі не задавальняе, бачыць віхлянне тлустага зада ў імя карысных інтарсаў не для прыстойных людзей. Пачварная мазайка з прыкормленымі халопамі на пасадах і карнікамі.
Паказаць усе каментары/ 33 /
Каб пакінуць каментар, калі ласка, актывуйце JavaScript у наладах свайго браўзеру