24.01.2020 / 17:18

МАЗ паказаў новы аўтобус для аэрапортаў ФОТЫ 10

Мінскі аўтазавод выпусціў перонны аўтобус новага пакалення — МАЗ 271. Шатл прадставілі ў аэрапорце Барыспаль.

Новы шатл атрымаўся велізарным: даўжыня — 14,48 метра, шырыня — 3,19, а вышыня — 3,25. У салоне можа ўмясціцца да 112 чалавек. Унутр можна трапіць праз двухстворкавыя дзверы — па тры з кожнага боку. Пры пасадцы спрацоўвае сістэма кнілінга, і падлога нахіляецца. Для людзей у інваліднай калясцы прадугледжаны трап.

Выхлапная труба выведзена на абодва бакі аўтобуса, але пры адкрыцці дзвярэй труба з гэтага боку блакуецца. Тым самым выхлапныя газы выходзяць праз трубу з процілеглага боку, што дазваляе пасажырам дыхаць чыстым паветрам.

Сядзенняў для пасажыраў усяго восем. Пры жаданні на заводзе могуць паставіць дадатковыя рады, хоць цяпер аэрапорты схіляюцца да стаячых месцаў. У салоне шмат святла за кошт вялікіх вокнаў, а ўвечары ўключаецца святлодыёдная падсветка.

Навінку паказалі ў аэрапорце Барыспаль. У найбліжэйшыя паўгода сюды паставяць яшчэ пяць аўтобусаў МАЗ 271.

NN.by

2
Common Sense / Адказаць
24.01.2020 / 17:30
А хто там з вусамі за стырном?
77
шлёма / Адказаць
24.01.2020 / 18:03
А где украинские автобусы ЛАЗ? Украина располагает своим металлом , а своего автобуса нет. А был же. Это результат смены президентов и майданов, и честных выборов?
5
Zyrafa / Адказаць
25.01.2020 / 08:53
Прыгожы.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру