24.01.2020 / 17:32

Блогеру Шэраму кату далі ўжо 105 сутак. Тэрмін можа яшчэ павялічыцца 12

Зміцер Казлоў («Шэры кот»).

Блогера Зміцера Казлова («Шэры кот»), які 21 студзеня выйшаў на волю пасля 25 сутак арышту, зноў выклікалі ў міліцыю. Начальнік міліцыі горада Барані Валчкоў папрасіў Казлова прыйсці для азнаямлення з пастановай суда, якая прыйшла з Мінску. «Шэры кот» плануе пайсці ў міліцыю ў 14 гадзін 24 студзеня, паведамляе ПЦ «Вясна».

Верагодна, міліцыянт меў на ўвазе пастанову суда Маскоўскага раёна Мінска ад 26 снежня, згодна з якой блогер атрымаў яшчэ 15 сутак арышту. Пра такі вынік ён даведаўся толькі 23 студзеня.

Казлоў думаў, што з міліцыі яго хутчэй за ўсё адправяць у ізалятар далей адбываць суткі арыштаў, якіх у яго засталося 80. «Шэры кот» прыйшоў у міліцыю з усімі неабходнымі для «сутак» рэчамі. Але ў выніку яму далі позву на 27 студзеня ў Ленінскі суд Мінска, дзе будзе разглядацца яго апошняя адміністрацыйная справа — за ўдзел у акцыі 8 снежня. Такім чынам блогер застаецца на волі.

«Шэры кот» пасля выхада з міліцыі 24 студзеня.

Нагадаем, што Зміцер Казлоў быў затрыманы ўвечары 25 снежня. На наступны дзень у судзе Аршанскага раёна яго асудзілі за заклікі да ўдзелу ў акцыі 7 снежня і адправілі адбываць 15-суткавы арышт. Падчас знаходжання пад вартай яго асудзілі яшчэ пяць разоў, і на кожным судзе ён атрымліваў новыя 15 сутак. Увечары 21 студзеня блогер нечакана выйшаў на волю. Казлоў патлумачыў, што яго часова адпусцілі, паведаміўшы, што ў ізалятары нібыта будзе праводзіцца дэзынфекцыя.

NN.by

1
Walkman / Адказаць
24.01.2020 / 18:55
Пракурорска-судзейскай карумпаванай памыйке-ганьба.
3
Walkman / Адказаць
24.01.2020 / 19:03
Адрыгнецца iстотам. Будуць пакараны, жорстка!
0
Сусед / Адказаць
24.01.2020 / 20:07
Издеваются, но не вечно!
Героям Слава!
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру