Харваты перамаглі Нарвегію у меганапружаным матчы, у другім авертайме. Фота men2020.ehf-euro.com.

Гандбалісты Харватыі і Іспаніі прабіліся ў фінал чэмпіянату Еўропы, які праходзіць у Стакгольме, паведамляе карэспандэнт БелТА.

У першым паўфінальным паядынку харваты з велізарнай цяжкасцю толькі ў дадатковы час адолелі нарвежцаў з лікам 29:28.

Першы тайм харвацкія гандбалісты выйгралі з перавагай у два мячы — 12:10, а да заканчэння другой паловы скандынавы здолелі выраўнаваць становішча — 23:23.

Фота men2020.ehf-euro.com.

У першым авертайме супернікі не выявілі пераможцу — 26:26, а ў другой дадатковай пяціхвілінцы мацнейшымі аказаліся гульцы зборнай Харватыі, за 4 секунды да фінальнай сірэны Жэлька Муса закінуў пераможны мяч.

Фота men2020.ehf-euro.com.

У другім матчы за выхад у фінал дзейсныя чэмпіёны кантынента іспанцы перайгралі каманду Славеніі — 34:32 (20:15). Толькі ў пачатку гульні славенцы некалькі разоў выходзілі наперад, а потым гандбалісты Іспаніі цалкам завалодалі ініцыятывай і не дазволілі супернікам дагнаць сябе.

Такім чынам, 26 студзеня зборныя Харватыі і Іспаніі згуляюць у вырашальным двубоі за золата. Сёння каманды Нарвегіі і Славеніі правядуць матч за бронзу кантынентальнага першынства, а гандбалісты Германіі і Партугаліі паспрачаюцца за 5-е выніковае месца.

Два гады таму ў Харватыі золата еўрапейскага першынства заваявалі гандбалісты Іспаніі, якія перамаглі ў фінале каманду Швецыі (29:23), бронзавымі прызёрамі сталі французы, якія абыгралі датчан (32:29). Зборная Беларусі заняла 10-е выніковае месца, як і на цяперашнім турніры. Найлепшым вынікам беларускіх гандбалістаў на чэмпіянатах Еўропы застаецца 8-е месца, здабытае ў 1994 годзе ў Партугаліі.

Хочаш падзяліцца важнай інфармацыяй ананімна і канфідэнцыйна?