26.01.2020 / 18:05

Колькасць ахвяр землятрусу ў Турцыі вырасла да 35 чалавек

Колькасць ахвяр моцнага землятрусу на ўсходзе Турцыі ўзрасла як мінімум да 35 чалавек.

Прэзідэнт краіны Рэджэп Тайіп Эрдаган заявіў, што ад землятрусу магнітудай 6,8 бала пацярпелі і былі параненыя звыш 1600 асоб, а 45 чалавек выцягнулі з-пад абломкаў.

Ратавальнікі паставілі 9500 намётаў для асоб, якія страцілі жыллё, а таксама раздалі 17 тысяч гарачых прадуктовых набораў.

Увечары 24 студзеня моцныя падземныя штуршкі адчуваліся ў ваколіцах горада Сіўрыджэ ў правінцыі Элязыг на ўсходзе Турцыі.

NN.by

Каб пакінуць каментар, калі ласка, актывуйце JavaScript у наладах свайго браўзеру