27.01.2020 / 07:26

18-гадовая Білі Айліш перамагла ў галоўных намінацыях «Грэмі», у тым ліку з песняй Bad Guy 3

Амерыканская спявачка Білі Айліш атрымала «Грэмі» у пяці з шасці намінацый — «Песня года», «Найлепшы новы выканаўца», «Запіс года», «Альбом года» і «Найлепшы вакальны поп-альбом». 62-я штогадовая цырымонія ўручэння ўзнагарод «Грэмі» праходзіла ў «Стэйплс-цэнтры» ў Лос-Анджэлесе.

Артыстцы ўдалося ўзяць ўзнагароды ва ўсіх найбольш прэстыжных намінацыях, нефармальна званых «Вялікая чацвёрка», куды ўваходзяць «Песня года», «Лепшы новы выканаўца», «Альбом года» і «Запіс года».

У намінацыі за званне «найлепшай песні года» яна перамагла з Bad Guy. У гэтай намінацыі таксама змагаліся «Truth Hurts» Лізо, «Always Remember Us This Way» Лэдзі Гага, «Bring My Flowers Now» кантры-выканаўцы Тані Такер, «Hard Place» H.E.R., «Lover» Тэйлар Свіфт, «Norman F *** ing Rockwell» Ланы Дэль Рэй і «Someone You Loved» Льюіса Капальдзі.

Таксама Білі Айліш атрымала «Грэмі» за найлепшы поп-альбом — «When We All Fall Asleep, Where Do We Go?»

У гэтай намінацыі таксама былі прадстаўленыя Беёнсе з альбомам «The Lion King: The Gift», Арыяна Грандэ і «thank u, next», Эд Шыран з альбомам «No.6 Collaborations Project», а таксама альбом Тэйлар Свіфт «Lover».

NN.by

1
Ліцьвін металіст / Адказаць
27.01.2020 / 10:11
У папсе грошы вырашаюць усё
1
Аксель / Адказаць
27.01.2020 / 10:48
Прослушав песню Bad Guy и просмотрев на неё клип я так и не понял - она петь умеет или нет.
0
Міхась, Віцебск / Адказаць
29.01.2020 / 09:43
Яна сапраўды таленавітая!:) Цікавыя аранжыроўкі, своеасаблівая манера спеваў. І гэтак далей:)
Каб пакінуць каментар, калі ласка, актывуйце JavaScript у наладах свайго браўзеру