Фота 2016 года Сяргея Гудзіліна
На гэтым тыдні ў Беларусі чакаецца няўстойлівае надвор'е з тэмпературным фонам на 4-8°С вышэй за кліматычную норму. Чакаецца дождж і мокры снег, месцамі наліпанне мокрага снегу, піша Tut.by.
28 студзеня ў аўторак у асобных раёнах невялікія ападкі — дождж, мокры снег. На асобных участках дарог галалёдзіца. Ноччу -4… + 1°С, днём 0… + 6°С.
29 студзеня, у сераду, на большай частцы тэрыторыі — ападкі: дождж, мокры снег, днём у асобных раёнах моцныя ападкі, у асноўным мокры снег ды наліпанне мокрага снегу.
На дарогах галалёдзіца. На працягу сутак -3… +3°С.
У чацвер ноччу і раніцай у асобных раёнах моцныя ападкі — у асноўным мокры снег, наліпанне мокрага снегу. На дарогах месцамі галалёдзіца. Ноччу -3… + 2°С, днём -2… + 4°С.
31 студзеня, у пятніцу, часам ападкі — мокры снег, дождж. Ноччу -3… + 2°С, днём -2… + 5°С.
У выходныя надвор'е будуць вызначаць франтальныя раздзелы і цёплыя паветраныя масы атлантычнага паходжання.
1 лютага, у суботу, ноччу месцамі, раніцай і днём на большай частцы тэрыторыі Беларусі кароткачасовыя ападкі — дождж, мокры снег. Ноччу -3… + 3°С, максімальная днём 0… + 7°С.
2 лютага, у нядзелю, ноччу месцамі, днём на большай частцы тэрыторыі краіны кароткачасовыя ападкі, у асноўным дождж. Ноччу 0… + 5°С, днём + 2… + 8°С.