27.01.2020 / 15:07

Журналістку «Новага часу» Дзіяну Серадзюк аштрафавалі на 1350 рублёў за ўдзел у акцыі супраць інтэграцыі 2

Журналістка газеты «Новы Час» Дзіяна Серадзюк пакараная вялізным штрафам за ўдзел у акцыі супраць «паглыбленай інтэграцыі». Гэта быў ужо другі суд па справе Дзіяны Серадзюк. Па выніку першага паседжання суд вярнуў матэрыялы справы на дапрацоўку, паведамляе прэс-служба Беларускай асацыяцыі журналістаў.

На сённяшнім паседжанні Дзіяна Серадзюк адмовілася сведчыць супраць сябе.

Першы сведка — супрацоўнік міліцыі Сяргей Астаф'еў — паведаміў, што несанкцыянаванае мерапрыемства 20 снежня ішло доўгі час і ўвечары каля парка Купалы ён убачыў Дзіяну і сфатаграваў яе на мабільны тэлефон. Здымак гэты прысутным на паседжанні не прадэманстравалі.

Па словах Астаф'ева, Дзіяну ён ведае «па працы», на акцыі яна, нібыта не была пазначана як журналістка, а таксама выкрыквала лозунг «Жыве Беларусь».

Вышэйпрыгаданае фота, як апынулася, было зроблена на скрыжаванні праспекта Незалежнасці і вуліцы Янкі Купалы, а ў парку Астаф'еў «не змог зняць Серадзюк, бо яна адвярнулася».

Сведка Івашкоў мінулым разам упэўнена сцвярджаў, што бачыў Дзіяну ў прамежку часу 18-18:30. Але на сённяшнім паседжанні Івашкоў сказаў, што, даючы тыя паказанні, памыліўся і што тады не бачыў гэтую грамадзянку, а бачыў пры іншых абставінах.

Дзіяна Серадзюк звярнула ўвагу, што здымак з тэлефона Астаф'ева — той жа здымак, што раней быў у справе толькі каляровы. Але пры гэтым раней сцвярджалася, што здымак зроблены з камеры відэаназірання. Жуналістка таксама звяртае ўвагу, што недапушчальна такім карэнным чынам змяняць паказанні. Узнікае пытанне наконт прафпрыдатнасці Івашкова.

У выніку журналістка Дзіяна Серадзюк папрасіла далучыць да справы сваю прамову пра міжнароднае і беларускае заканадаўства, якое гарантуе кожнаму грамадзяніну права на ўдзел у мірных сходах.

Аднак, нягледзячы на гэтую прамову, на недастатковую доказную базу, памылкі ў паказаннях сведкаў і іншыя недарэчнасці, суд вынес вердыкт: «Прызнаць вінаватай і пакараць 50 базавымі велічынямі штрафу (1 350 беларускіх рублёў)».

NN.by

0
Патомак ВКЛ / Адказаць
27.01.2020 / 22:54
А что,фамилии судей являются тайной? Если нет,--- обязательно их озвучивать для учета Народ должен знать своих =героев=. Почему ни один так называемый =народный= депутат не поднимает вопрос об отмене антинародного указа =Царя=?, который определил, что митингом считается наличие на улице 2-х и более человек, громко разговаривающих, при этом этот митинг =не санкционирован=? Гле право народа на свободу митингов и демонстраций, а-у-у-у депутаты!!!!
0
Баршчэўскі / Адказаць
28.01.2020 / 16:34
Шкада, што не пасьпеў на суд над Дзіянай - зацягнуўся ў іншым судзе працэс нада мною. Але вартасьць мілійэйскіх "паказаньняў", бачу, была і там, і там аднолькавая.
Каб пакінуць каментар, калі ласка, актывуйце JavaScript у наладах свайго браўзеру