27.01.2020 / 18:32

Знайшоўся яшчэ адзін апазіцыянер, які падумвае ісці ў прэзідэнты 19

Стала вядома пра намер яшчэ аднаго апазіцыйнага палітыка паўдзельнічаць у прэзідэнцкай кампаніі 2020 года. Гаворка пра старшыню Беларускага кангрэса дэмакратычных прафсаюзаў Аляксандра Ярашука.

Аляксандр Ярашук. Фота Надзеі Бужан.

«Сваю пазіцыю я агучваў неаднаразова: у нас не існуе альтэрнатывы аб’яднанню апазіцыі. І толькі ў такім выпадку існуе сэнс удзелу ў выбарах. Калі ёсць альтэрнатыва рэальнага аб’яднання, то я таксама ўбаку не застануся.

Шмат людзей мне прапаноўвала і прапаноўвае браць удзел у прэзідэнцкай кампаніі. Я чуў і бачыў сёння, што адбывалася з ініцыятывай найбуйнейшых суб’ектаў апазіцыйнай палітыкі. Я цяпер вырашаю: браць удзел ці не браць? Магу сказаць, што абсалютна рэальны той варыянт, што я прыму станоўчае рашэнне.

Адразу магу сказаць, што гэта не будзе вылучэнне ад арганізацыі Беларускага кангрэсу дэмакратычных прафсаюзаў. З майго боку гэта было б безадказна ўключаць незалежныя прафсаюзы ў палітычны працэс.

Гэта моцны сігнал, што ёсць людзі, якія гатовыя ахвяраваць сваімі інтарэсамі дзеля адзінства. Наўрад ці нехта мяне пераканае, што можа быць нешта лепшае за вылучэнне адзінага, асабліва ў той момант, калі беларуская ўлада слабая як ніколі. У такіх умовах можна гаварыць пра «электральную перамогу», — зазначыў Аляксандр Ярашук.

Аляксандру Ярашуку 68 гадоў. Ён родам з вёскі Унучкі Камянецкага раёна. Па першай адукацыі — аграном, па другой — палітолаг. Працаваў у Міністэрстве сельскай гаспадаркі, Мінскім аблвыканкаме. У 2002 годзе ўзначаліў Беларускі кангрэс дэмакратычных прафсаюзаў. У 2001 годзе, калі яшчэ быў старшынёй прафсаюза сельгасработнікаў, вылучаўся на пасаду прэзідэнта, але не атрымаў рэгістрацыю.

ЗП

44
Алег С. / Адказаць
27.01.2020 / 18:49
Рогат у залі.
42
Таки вот / Адказаць
27.01.2020 / 19:01
Вторая ходка во власть сего персонажа будет такой же, как и первая.
43
HENRIK KWINTA / Адказаць
27.01.2020 / 19:10
Зноу аграном,а нам патрэбен разумны эканамист-упрауленец.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру