Кіраўнік партыі «Грамада» Сяргей Чэрачань расказаў карэспандэнту «Нашай Нівы», што не збіраецца ўдзельнічаць у працэдуры праймерыз, якую абвясцілі пяцёра лідараў апазіцыйных партый.
«У нас крыху іншы фармат пазіцыявання, будзем удзельнічаць у выбарах самастойна. Планаў не мяняем. На мяне асабіста з падобнымі прапановамі ніхто не выходзіў, я таксама ні на каго», — сказаў Чэрачань.
Адзін з лідараў правацэнтрыстаў адзначае, што меў гутарку з Чэрачанем, аднак той быў няўхільны.
«Грамада» — гэта партыя, якую раней узначальваў Станіслаў Шушкевіч. Сяргей Чэрачань стаў старшынёй арганізацыі летась.
Чытайце:
Кандыдат у прэзідэнты Чэрачэнь распавёў, як быў камуністам, дэмакратам і афіцыянтам у Крыме. Вялікая гутарка
Бізнэсмен-камуніст, які падабраў партыю Шушкевіча, сабраўся ў прэзідэнты. Што гэта за фрукт?
0
0
0
0
0
0
