28.01.2020 / 18:19

TikTok апярэдзіў Facebook па колькасці запамповак за 2019 год

2019 год стаў паспяховым для кітайскай праграмы TikTok, піша Cnet. Паводле кампаніі Sensor Tower, TikTok за мінулы год спампавалі больш за 700 мільёнаў разоў. Такім чынам, кітайская праграма абагнала Facebook і Messenger.

Лідарам стала праграма WhatsApp з больш чым 850 мільёнамі загрузак, што выклікана папулярнасцю праграмы ў Індыі.

TikTok — адзіная праграма ў першай пяцёрцы, якая не належыць Facebook.

TikTok — гэта праграма для сацыяльных сетак, у якой карыстальнікі, у асноўным падлеткі і маладыя людзі, публікуюць кароткія відэаролікі працягласцю да 15 секунд, часта сінхранізаваныя з музыкай.

Праграма належыць кітайскай фірме ByteDance.

NN.by

Каб пакінуць каментар, калі ласка, актывуйце JavaScript у наладах свайго браўзеру