28.01.2020 / 19:05

Севярынец: Атрымліваць пасведчанне кандыдата з рук Ярмошынай? Мой адказ — не 59

Лідар БХД Павел Севярынец патлумачыў у фэйсбуку, навошта апазіцыя праводзіць праймерыз і абірае адзінага кандыдата.

Павел Севярынец. Фота Надзеі Бужан

Ён прывёў тры аргументы.

Па-першае, Севярынец мяркуе, што абранне адзінага лідара дапаможа нарошчванню сілы.

«Лукашэнка, Расія, Захад маюць рычагі і інстытуты, каб уплываць на лёс Беларусі. Беларускі народ не мае. Апазіцыя раздробленая, у жалю вартым стане. Народнае галасаванне здольнае даць адзінства і сілу, адчуванне еднасці і натхненне, — піша палітык. — Сёння Слонім прагаласаваў так. Заўтра Маладзечна гэдак. А ты чуў, што апазіцыя сказала ў Гомелі?»

Другі тэзіс датычыць патэнцыялу пратэстаў на выпадак расійскай агрэсіі. «Пакуль апазіцыя — дзясятак гаварашчых галоваў, кожная са сваёй адзінай праўдай, дае проста ўзаемавыключны інфармацыйны шум. Патрэбны адзіны, альбо прынамсі больш гучны голас. Кампанія дае такую магчымасць», — пераконвае ён.

Па-трэцяе, Севярынец кажа пра тое, што трэба «ламаць сістэму фальсіфікацый».

«Першае патрабаванне — адстаўка Ярмошынай. Масавы ціск. Атрымліваць пасведчанне кандыдата з рук чалавека, які сфальшаваў усё, што магчыма? Мой адказ — не», — мяркуе ён.

А наступным этапам, маўляў, будзе патрабаванне няўдзелу Лукашэнкі ў выбарах. «Патэнцыял кампаніі — мільёны беларусаў», — пераконвае Севярынец.

NN.by

29
Малады / Адказаць
28.01.2020 / 19:12
Так правільна кажа. Іншага шляху няма. 
11
Самi з вусамi / Адказаць
28.01.2020 / 19:27
Трэба не толькі выкідваць Ярмошыну, але і змяняць выбарчае заканадаўства, Гэта перш за ўсё фармаванне выбарчых камісій па квотах для усіх удзельнічаючых партый, затым галасаванне ў адзін дзень (без папярэдняга галасавання), празрысты падлік галасоў з 18-00 да 20-00 на камеру перад назіральнікамі, Гэта асноўнае…
56
Eprst / Адказаць
28.01.2020 / 19:33
Северинец имеет харизму, которой нет у режима ТНП. Достойный кандидат и возможный президент.
Паказаць усе каментары/ 59 /
Каб пакінуць каментар, калі ласка, актывуйце JavaScript у наладах свайго браўзеру