Увечары 24 студзеня ў міліцыю прыйшоў жыхар Мар’інай Горкі. Мужчына распавёў, што знік яго 31-гадовы сын.
Па горадзе адразу ж пачалі распаўсюджвацца разнастайныя чуткі. Тэлеграм-канал «Нехта» ўвогуле паведаміў, што адшукалі руку забітага, а яго цела забойца забетаніраваў ва ўласным склепе. Прычынай забойства нібыта стала рэўнасць.
29 студзеня Следчы камітэт распавёў, што цела мужчыны яшчэ не знайшлі. Але асноўная версія — забойства. Узнікла сварка, маладога чалавека моцна збілі, ад траўмаў ён памёр. Прычына сваркі пакуль не ўдакладняецца. Але труп не забетаніравалі ў склепе. Па дадзеных СК, цела забітага выкінулі ў раку, цяпер яго шукаюць.
Фота — Следчы камітэт
Заведзеная крымінальная справа, таксама затрымалі траіх падазраваных: 36-гадовую жанчыну, яе 33-гадовага сужыцеля і іх 23-гадовага знаёмага. Раследаванне працягваецца.
