31.01.2020 / 10:07

Wir.by: з'явіўся партал з лекцыямі, моднымі падкастамі і цікавосткамі па-беларуску 4

«Беларуская культура нярэдка ўспрымаецца ізалявана ад сусветнага і еўрапейскага кантэксту. Мы хочам гэта змяніць», — тлумачаць сваю звышзадачу стваральнікі новай адукацыйнай платформы wir.by. Праект стаў фіналістам 12-га конкурсу сацыяльных праектаў Social Weekend. 

Што цікавага будзе з'яўляцца на гэтым сайце? Лекцыі навукоўцаў і даследчыкаў у відэа і падкастах, артыкулы, гульні і спецпраекты пра гісторыю, лінгвістыку, літаратуру, мастацтва і міфалогію. Сярод асноўных тэмаў новага адукацыйнага партала — лінгвістыка, літаратура, жывапіс, гісторыя, міфалогія, архітэктура і кіно.

Ужо можна праслухаць сюжэт Ганны Севярынец пра тое, у якіх умовах Уладзімір Дубоўка перакладаў Шэкспіра, разабрацца, як зразумець Кафку (тут вам дапаможа кандыдат філалагічных навук Наталля Ламека), упэўніцца, што графіці — гэта таксама мастацтва (калі вы сумняваліся, вас пераканае Арцём Суслаў).

NN.by

2
Axel Justas / Адказаць
29.01.2020 / 22:30
Неяк пакуль кантэнт жыдзенькі, на Khan Academy ня цягне. Якія планы на папаўненне? Ну і самі лектары - нехта цікавы, а нехта проста з паперкі чытае. Нейкі рэйтынг было б добра дадаць.
2
Броўка / Адказаць
31.01.2020 / 11:10
Файная рэч. Дзякуй!
7
Ліцьвін металіст / Адказаць
31.01.2020 / 12:32
Для гуманітарыяў..
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру