Колькасць тых, хто захварэў на пнеўманію, выкліканую новым каранавірусам, у Кітаі вырасла да 7711 чалавек, колькасць смяротных зыходаў дасягнула 170. Пра гэта ў чацвер паведаміў Дзяржаўны камітэт па справах аховы здароўя КНР, піша tass.ru.
1370 з зафіксаваных 7711 выпадкаў захворвання ацэньваюцца як цяжкія.
Толькі ў сераду ў Кітаі выявілі 1737 новых выпадкаў заражэння каранавірусам і 38 смяротных зыходаў, з якіх 37 — у цэнтральнай кітайскай правінцыі Хубэй і адзін — у паўднёва-заходняй правінцыі Сычуань.
Улады КНР пацвердзілі першы выпадак захворвання на пнеўманію ў Тыбецкім аўтаномным раёне, які быў апошнім свабодным ад гэтага захворвання рэгіёнам Кітая.
У чацвер колькасць меркаваных выпадкаў захворвання ў КНР дасягнула 12 167. Не менш як 88 693 чалавек мелі цесны кантакт з інфікаванымі, з іх 81 947 знаходзяцца пад медыцынскім наглядам.
