Гаворка ідзе пра 44-гадовага мужчыну, які 1 лютага памёр на Філіпінах, паведамляе Філіпінскае аддзяленне Сусветнай арганізацыі аховы здароўя на сваёй старонцы ў твітары.

«44-гадовы мужчына быў другім пацверджаным чалавекам на Філіпінах з новым каранавірусам 2019-nCoV. Ён памёр 1 лютага 2020 года», — гаворыцца ў паведамленні.

Па стане на раніцу 2 лютага ў свеце зафіксавана 14 556 выпадкаў захворвання, памерлі 305 чалавек. Прычым за апошнія суткі ў Кітаі памерлі 45 чалавек (усе ў правінцыі Хубэй, што стала ачагом успышкі). Усяго ў Кітаі захварэлі 14 381 чалавек.

У Еўропе выпадкі зафіксаваныя ў Фінляндыі, Швецыі, Францыі, Італіі, Нямеччыне, Брытаніі. Прычым у Нямеччыне восем выпадкаў, у Францыі — 6. 

Хочаш падзяліцца важнай інфармацыяй ананімна і канфідэнцыйна?