Сёння, 2 лютага, у сталічным парку Горкага двое падлеткаў вылавілі са Свіслачы гранату. На шчасце, яна была без запала, паведаміла ў сваім тэлеграм-канале афіцыйны прадстаўнік МУС Вольга Чамаданава.
Паведамленне ў міліцыю аб небяспечнай знаходцы паступіла з МНС у 15:25. Ратавальнікам патэлефанавалі дзеці і распавялі, што магнітам вылавілі прадмет падобны на гранату.
На месца здарэння выехалі праваахоўнікі і сапёрна-піратэхнічная група ўнутраных войскаў МУС. Для бяспекі тэрыторыю аператыўна перакрылі і абследавалі. Іншых боепрыпасаў спецыялісты не выявілі.
Граната была без запала, яе канфіскавалі для наступнай утылізацыі.
Абодвум падлеткам 14 гадоў. Яны прыйшлі ў парк і дзеля забавы пачалі вылоўліваць магнітам у рацэ металічныя прадметы. Адна са знаходак была вучэбным снарадам. Хлопцы — малайцы, не разгубіліся і аператыўна патэлефанавалі ў МНС.
