Мастак Аляксей Кузьміч зладзіў новую акцыю — прышпіліў значок БРСМ да грудзей ФОТА
Мастак Аляксей Кузьміч, той самы, які прыйшоў на адкрыццё сваёй выставы з таблічкай Мінкульта на інтымным месцы, зладзіў чарговую арт-акцыю. На гэты раз ён «прынёс сябе ў ахвяру» БРСМ. Мастак абвязаў галаву піянерскім гальштукам, прышпіліў да голых грудзей значок БРСМ і адправіў першаму сакратару арганізацыі Дзмітрыю Варанюку заяву на ўступленне.
«Урачыста спяшаюся паведаміць, што я ўступіў у шэрагі вашага аб’яднання, дзейсніўшы абрад пасвячэння. З’яўляючыся цяпер яго членам і разумеючы сутнасць функцыянавання арганізацыі, прапаноўваю перайменаваць БРСМ у «Радзіма-BDSM», што, на мой погляд, дакладней адлюстроўвае спецыфіку вашай дзейнасці і яе падабенства з практыкамі садамазахізму і псіхасэксуальнага дамінавання», — напісаў Кузьміч у заяве.
Мастак патлумачыў, што гэта акцыя — разважанне над тым, як ідэалогія ўплывае на чалавека.
«Гэта пра сепарацыю, пошук ворагаў, аўтарытарны рэжым, у якім дзяржава спрабуе кіраваць усімі працэсамі ў краіне. Параўнанне ідэалогіі з нездаровым, акультным вераваннем, у якім прыносяцца ахвяры, практыкуюцца іншыя рэчы, якія былі ў Сярэднявеччы. І самае цікавае, што гэта ўсё працягвае жыць. Ідэалогія губіць чалавека, яго свабоду.
А БРСМ — гэта як крыніца прамывання мазгоў у сучаснай Беларусі. Арганізацыя паразітуе на тэорыях мінулага, якія паказалі сваю няслушнасць»,
— пракаментаваў ён «НН».
Аляксей Кузьміч расказаў, што ўсё зрабіў з першай спробы.
«Я ўзяў пірсінг-іглу, папрасіў пабольш, каб кроў пайшла. Праколваў скуру без абязбольвання — я нават да стаматолага калі хаджу, анестэзію не раблю».
Сам мастак у БРСМ ніколі не быў. А значок набыў у інтэрнэце ў нейкага перакупа.
БРСМ адказвае скандальнаму мастаку Кузьмічу: Гатовы прыняць у свае шэрагі і параіць псіхатэрапеўта
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары