05.02.2020 / 23:02

1 сакавіка адбудзецца канцэрт у гонар 85-годзя Рыгора Барадуліна

1 сакавіка а 19.00

КЗ «Верхні горад»

Канцэрт у гонар 85-годзя Народнага паэта Рыгора Барадуліна

У лютым 2020 апошняму Народнаму паэту Беларусі Рыгору Барадуліну споўнілася б 85 гадоў. Чарадзей беларускай паэзіі, мастак роднай мовы, чалавек-легенда — ужо 6 гадоў, як яго няма з намі. Але жывуць яго вершы, яго поўныя пяшчоты словы, яго закаханасць у сваіх людзей, матулю і малую Радзіму — Вушаччыну.

Сучасныя гурты яднаюцца на сцэне камернай залі «Верхні горад», каб згадаць славутага земляка і ў яго гонар заспяваць песні Вушаччыны. У праграме возьмуць удзел фальклорны гурт «Варган», капэла «Колісьнія» і гурт «Vuraj». Гэтым вечарам прагучаць таксама і арыгінальныя творы названых выканаўцаў. 

Полацкі фальклорны гурт «Варган» вядомы дасканалым пераняццем аўтэнтычнай манеры выканання народных спеваў.

Капэла «Колісьнія», натхняючыся творчасцю старых вясковых музыкаў, выконвае пераважна інструментальны рэпертуар. 

Гурт «Vuraj» эксперыментуе з аўтэнтычным спеўным матэрыялам, ствараючы новыя творы адмысловага гучання.

Павіншуем Народнага паэта разам! Прыходзьце на святочны канцэрт!

Кошт квіткоў: ад 8 — 20 руб

Квіткі можна купіць тут.

Каб пакінуць каментар, калі ласка, актывуйце JavaScript у наладах свайго браўзеру