07.02.2020 / 21:46

Расія адмовілася даць Беларусі зніжку на нафту дапоўнена 67

Расія адмовілася даць Беларусі зніжку на нафту. Пра гэта паведаміў намеснік кіраўніка адміністрацыі прэзідэнта Расіі Дзмітрый Козак, піша ТАСС.

Расійскі чыноўнік заявіў:

— Калі даваць скідкі, нам неабходна было б уводзіць дзяржрэгуляванне нафтавага рынку, што мы рабіць не зможам. Мы паставім у незразумелае становішча нашы нафтавыя кампаніі.

Козак адзначыў, што аб'ёмы і цана паставак нафты на беларускія НПЗ будуць і далей абмяркоўвацца на ўзроўні гаспадарчых суб'ектаў, а ўрад Расіі будзе спрыяць дасягненню камерцыйных дамоўленасцей паміж спажыўцамі Беларусі і расійскімі нафтавымі кампаніямі.

«Што тычыцца пастаўкі нафты, якая была прадметам доўгіх абмеркаванняў у СМІ, то мы з урадам Расійскай Федэрацыі разам будзем аказваць садзейнічанне дасягненню пагадненняў з беларускімі спажыўцамі і вытворцамі нафты ў нашай краіне, — сказаў Козак. — Мы не можам сёння рэзка памяняць умовы рэгулявання нашай нафтавай галіны: вы ведаеце, цэны на сырую нафту фармуюцца рынкам, а адміністрацыйна не рэгулююцца».

Таксама Козак заявіў, што Расія і Беларусь дамовіліся пра пастаўкі газу на 2020 год на ўмовах 2019 года, а кансультацыі аб інтэграцыі будуць працягвацца.

Нагадаем, Масква і Мінск не могуць дамовіцца аб пастаўках расійскай нафты на беларускія нафтаперапрацоўчыя заводы. З-за гэтага расійскія кампаніі прыпынілі пастаўкі нафты на беларускія НПЗ, а Аляксандр Лукашэнка распарадзіўся шукаць магчымасці альтэрнатыўных паставак.

Чытайце таксама:

Расія будзе пастаўляць газ у Беларусь на ўмовах 2019 года

Козак: Расія і Беларусь працягнуць кансультацыі па інтэграцыі

NN.by

7
zzzzz / Адказаць
07.02.2020 / 21:50
Дзякуй богу.
35
пляткар / Адказаць
07.02.2020 / 21:51
Навошта скажаеце?

" Российское правительство будет способствовать достижению коммерческих договоренностей на поставку нефти в Беларусь, заявил журналистам заместитель руководителя Администрации Президента России Дмитрий Козак по итогам переговоров в Красной Поляне президентов Беларуси и России Александра Лукашенко и Владимира Путина, передает корреспондент БЕЛТА."
7
хамса / Адказаць
07.02.2020 / 21:51
гледзячы на фота.. нарэшце іх паказалі ззаду).. a.lukashenko-то лысы)
Паказаць усе каментары/ 67 /
Каб пакінуць каментар, калі ласка, актывуйце JavaScript у наладах свайго браўзеру