09.02.2020 / 19:00

Жанчына з Паўднёвай Карэі сустрэлася з памерлай дачкой дзякуючы VR-тэхналогіі. Кранальнае ВІДЭА 12

Жыхарка Паўднёвай Карэі Джанг Джы Сун сустрэлася з дачкой Наён, якая памерла тры гады таму, дзякуючы VR-тэхналогіі. Пра гэта піша карэйскае выданне Aju Business Daily.

Сямігадовая Наён памерла ў 2016 годзе ад невылечнай хваробы. У пачатку лютага на карэйскім тэлеканале MBC выйшаў дакументальны фільм «Я сустрэла цябе», у якім Джы Сун сустракаецца з памерлай дачкой, адноўленай у віртуальнай рэальнасці.

На вытворчасць фільма сышло восем месяцаў. Для стварэння трохмернай мадэлі Наён была выкарыстаная тэхналогія захопу руху — распрацоўшчыкі запісалі рухі дзіцяці-акцёра, якое стала прататыпам лічбавага вобраза дзяўчынкі.

Каб убачыць дачку, жанчыне трэба было надзець VR-гарнітуру і тактыльныя пальчаткі. Астатнія члены сям'і назіралі за тым, што адбываецца на экране.

Пры сустрэчы з дзяўчынкай Джы Сун расплакалася. Дзякуючы VR-тэхналогіі яна змагла пагаварыць з дачкой, пагуляць па яе любімым парку, патрымацца за рукі і адсвяткаваць дзень нараджэння дзяўчынкі.

«Напэўна, гэта і ёсць рай. Я сустрэлася з Наён, якая ўсміхнулася мне, хай і ненадоўга, але я была вельмі шчаслівая. Мне здаецца, гэта была мара, якую я заўсёды хацела ажыццявіць», — сказала жанчына.

NN.by

28
Сусед / Адказаць
09.02.2020 / 19:14
Это уже зашквар. Недолго, что и крыша съедет от таких "встреч".
22
хамса / Адказаць
09.02.2020 / 19:21
гэта ўсё балюча канечне..але тут пытанне - што мы любім і шануем найперш - рэальнага чалавека ці сваё ўяўленне пра яго?
30
Казік / Адказаць
09.02.2020 / 19:32
Віртуальная таксідэрмія: зробім чучала з вашага блізкага і дадзім вам з ім крыху пагуляць
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру