Лукашэнка: Калі мне кажуць, што Маркаў сядзіць на платформе ОРТ, я гэтага нават не разумею
Аляксандр Лукашэнка чакае ад дзяржаўных СМІ большай вастрыні, аператыўнасці і ўласнага кантэнту. Пра гэта ён заявіў сёння на нарадзе з кіраўнікамі вядучых дзяржаўных СМІ, паведамляе БелТА.
Кіраўнік дзяржавы адзначыў, што часцяком у эфіры дзяржаўных СМІ не хапае вастрыні і аператыўнасці.
Акрамя таго, падкрэсліў ён, ім ужо час адыходзіць ад замежных платформаў.
«Далёка не ўсё, што там ёсць, добрай якасці. Трэба больш сваёй тэлепрадукцыі, — сказаў кіраўнік краіны. — Калі мне кажуць, што Маркаў (кіраўнік АНТ Марат Маркаў) сядзіць на платформе ОРТ, я проста гэтага нават не разумею.
Наша прастора, наша тэлебачанне, наш тэлевізар, наш канал АНТ (і нядрэнны) — час ужо вырашыць галоўную праблему: гэта наша. А калі хто-небудзь хоча сюды прыйсці — калі ласка, як мы туды.
Плаціце грошы, спытайце дазволу, дайце свой тавар, прадукт, мы паглядзім — можа быць.
Гэта ваш найпершы абавязак».
Каментары