11.02.2020 / 14:49

Уручэнне прэміі «Дэбют» пераносіцца на наступны год. Кніг катастрафічна мала 3

Заснавальнікі прэміі прынялі рашэнне перанесці ўручэнне «Дэбюту» на 2021 год. Аднак на фестывалі «Прадмова» адбудзецца адмысловая імпрэза з нагоды дзесяцігоддзя прэміі.

Зазвычай прэмія «Дэбют» імя Максіма Багдановіча ўручалася аўтарам да 35 гадоў у трох намінацыях: паэзія, проза і мастацкі пераклад. Але ў 2019 годзе выйшла недастатковая колькасць кніг нават для фармавання поўнага спісу.

У сувязі з адсутнасцю канкурэнцыі ў дзвюх намінацыях заснавальнікі прэміі прынялі рашэнне сёлета не праводзіць прэмію. Пры гэтым кнігі, пададзеныя на конкурс, будуць разглядацца ў наступным годзе, паведамляе прэс-служба Саюза беларускіх пісьменнікаў 

Прэмія «Дэбют» імя Максіма Багдановіча была заснаваная ў 2010 годзе Дабрачынным фондам «Вяртанне», Беларускім ПЭН-цэнтрам і Саюзам беларускіх пісьменнікаў. У гонар юбілею прэміі будзе арганізаваная адмысловая вечарына ў межах фестывалю інтэлектуальнай кнігі «Прадмова», які пройдзе 2-5 красавіка ў Мінску.

Хочаш падзяліцца важнай інфармацыяй ананімна і канфідэнцыйна?

NN.by

0
Вацлаў / Адказаць
11.02.2020 / 16:08
Пачніце прымаць рукапісы ці што, а то нашым жабрацкім выдавецтвам толькі дэбютантаў і выдаваць, га.
0
Кажыма праўду / Адказаць
11.02.2020 / 18:10
Ганебна для «нацыі паэтаў». Затое ў мроях адгрымелі мо' з 1000 сакрушальных «плёшчаў»...
0
алесь менски / Адказаць
22.02.2020 / 20:06
А музей .................... г-но. Правільна, улады яго зачынілі. Ёсць, там, адзін супрацоўнік... Я працаваў, у тым музеі. Ён, мяне выжыў. Я ведаў, больш за яго. Спачатку, было так... Ён стаў, казаць: "Навошта, цябе ўзялі на працу?!". Я, не звярнуў ўвагу. Потым, ён стаў злым... У мяне, у снежні, была здача камісіі. Гляджу, камісія не лаяльная. Ну, быццам, праваліўся, не чакана. Думаю, бывае. Наступным разам, будзе лепш. Потым, гляджу, ён мяне прэсуе. І адно слова: "Огрызаешься". Увесь час. Хаця, сам ён агрызаўся. Хацелася, яму, у вока даць. Прыйшлося, адтуль сыйсці. А што рабіць, калі такая агрэсія. Напэўна, думаў, што, буду лепш, за яго. С-а.
Каб пакінуць каментар, калі ласка, актывуйце JavaScript у наладах свайго браўзеру