Збіццё дырэктара кафэ ў Гомелі: замяшаныя высокапастаўленыя супрацоўнікі КДБ
«Наша Ніва» даведалася пра падрабязнасці п'янай бойкі ў кавярні «The Box 99» на Савецкай у Гомелі. У нападзе на дырэктара кафэ падазраюць супрацоўнікаў Камітэта дзяржаўнай бяспекі.
Падзеі адбыліся ў даволі ранні час, каля 18-й гадзіны. Нейкія мужчыны падселі за стол да дзяўчат-падлеткаў і сталі да іх заляцацца. Тыя не адказалі ўзаемнасцю. І калі дзяўчаты сабраліся сыходзіць, мужчыны пачалі зрываць з іх курткі. У гэты момант у зале знаходзіўся дырэктар кавярні, які ўмяшаўся ў канфлікт.
Мужчыны паклікалі яго «пагаварыць» на вуліцу. Адзін з іх, невысокі, збіў дырэктара — біў акцэнтавана, па галаве, укладваючыся ва ўдары, пакуль той не страціў прытомнасць. Пасля гэтага агрэсіўныя кліенты рэціраваліся, аднак на наступны дзень самі прыйшлі ў міліцыю.
Следчы камітэт паведаміў, што падазраваны ў збіцці затрыманы.
Пазней стала вядома, што фігурантамі крымінальнай справы сталі супрацоўнікі КДБ.
Пра аднаго з іх паведаміў блогер NEXTA, ён называе былога прэс-сакратара КДБ Дзмітрыя Пабяржына. Цяпер ён працуе начальнікам аналітычна-інфармацыйнага ўпраўлення КДБ.
Другі чалавек, па інфармацыі «Нашай Нівы», — гэта таксама супрацоўнік КДБ. Ён начальнік аддзела ўпраўлення абароны канстытуцыйнага ладу мінскага ўпраўлення КДБ.
«Наша Ніва» звярнулася па каментар да самога Пабяржына.
«Тое, што пішуць у інтэрнэце, што я падазраваны, гэта няпраўда. Я не падазраваны, я гэтага злачынства не здзяйсняў», — сказаў ён.
Пабяржын адмовіўся ад далейшых каментароў і не стаў праясняць сваю ролю ў гэтай гісторыі. Ён таксама не пацвердзіў, ці праўда, што падазраваны яго калега па ведамстве.
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1111
Каментары