12.02.2020 / 11:37

«Зрабіць усё магчымае». Washington Post заклікала дапамагчы Беларусі выстаяць супраць Расіі 40

«Хоць Лукашэнку нельга назваць прывабным для Захаду партнёрам, яго спробы захаваць сваю краіну заслугоўваюць падтрымкі», — піша The Washington Post у сваім рэдакцыйным каментары.

Уплывовае амерыканскае выданне заклікала ЗША і Еўрасаюз дапамагчы Беларусі ў выпадку магчымага разрыву з Расеяй.

Пуцін цягам дваццаці гадоў марна спрабаваў усталяваць кантроль над постсавецкімі краінамі пры дапамозе ціску, фальсіфікацый, прапаганды, кібервойнаў і інтэрвенцый, як у выпадках Украіны і Грузіі. Пуцін спрабуе змусіць Лукашэнку выканаць саюзнае пагадненне дваццацігадовай даўніны, якое «ператварыла б Беларусь у правінцыю». Між тым Лукашэнка, піша выданне, не хоча стаць «апошнім прэзідэнтам Беларусі».

Газета піша, што выбары ў Беларусі фальсіфікуюцца, а пратэсты брутальна душацца, але, мяркуюць аўтары, цяперашні ціск Пуціна можа змяніць палітыку Лукашэнкі.

«Расійскі лідар спыніў пастаўкі субсідыяванай нафты, вельмі важнай для беларускай эканомікі, і запатрабаваў выканаць замарожаную саюзную дамову, — піша выданне. — Падчас сустрэчы ў пятніцу спадар Пуцін чарговы раз адмовіў Лукашэнку ў зніжках на нафту і газ. Калі гэтая пазіцыя не зменіцца, беларуская эканоміка можа сур’ёзна пацярпець: пятую частку яе экспарту складаюць перапрацаваныя прадукты таннай расейскай нафты».

«Спадар Лукашэнка зрабіў выгляд, нібыта ён супрацьстаіць расійскаму ціску, купіўшы танкер нафты з Нарвегіі. А дзяржаўны сакратар Майк Пампэа зрабіў выгляд, нібыта дапамагае яму, наведаўшы Менск 1 лютага. Пампэа абяцаў, што адміністрацыя Трампа прызначыць новага пасла ў Беларусі, і запэўніў Лукашэнку: «Нашы вытворцы энергіі гатовыя паставіць 100% нафты, якая вам патрэбная, па канкурэнтных цэнах».

The Washington Post засцерагае, што пастаўкі нафты з ЗША не кампенсуюць Беларусі страту расійскіх датацый.

«Наадварот, спадару Лукашэнку трэба будзе выбіраць: або здацца Пуціну, або прынамсі зрабіць крокі ў кірунку шокавай тэрапіі для эканомікі, што дазволіць вызваліць яе з-пад расейскай залежнасці. І ў выпадку, калі ён выбера апошні сцэнар, Злучаныя Штаты і Еўрасаюз павінны зрабіць усё магчымае, каб аблегчыць боль, пры гэтым не спыняючы патрабаваць паляпшэння сітуацыі з правамі чалавека».

СГ; фота Kremlin.ru

10
LitvinM / Адказаць
12.02.2020 / 11:52
Найперш тут Лукашенка павінен зрабіць усе магчымае. Так, пакуль ен трымае удар. Але гэта пакуль што справа не дайшла да шокавага пагаршеньня сітуацыі ў эканоміке. А гэта безумоўна адбудзецца. І вось не бачна каб ен і яго памагатыя сапраўды рыхтавалісь, і рыхтавалі краіну да гэтага. Такое адчуваньне, што па-ранейшаму спадзяюцца што "усе залагодзіцца". Але відавочна што гэтага не будзе. Як на мой погляд - трэба тэрмінова займацца эканомікай адкінуўшы ў бок усю гэтую баўбатню з маскоўцамі, і трэба нарэшце пачынаць размаўляць з народам, а не з прыкарытнымі журналюгамі, і размаўляць шчыра. А праблем мы канешне не пазбегнем, але вытрымаць цалкам здольны - тут 100%. Галоўнае не рабіць глупствы, не хлусіць, не спрабаваць па старому на трох зэдліках дупу мяць. Тут сапраўды - момант ісьціны, Рыгоравіч.
120
Чебаркуль / Адказаць
12.02.2020 / 11:58
Абсурд и цирк и с этой интеграцией и с новыми американскими "друзьями."
91
Брыдкая пачвара / Адказаць
12.02.2020 / 12:15
Гэта тое выданне , якое першае пусціла "навіну" аб яднанні Расеі і Беларусі!? Божачкі , які дабрадзеі, так хвалююцца аб нашай незалежнасці. Толькі не ведаюць чым дапамагчы, бедакі. А гэта проста —прадайце пару мільёнаў нафты за поӯкошта і ў крэдыт, трохі металу, а купіце у нас тысяч дваццаць трактароў і машын, пераканайце Польшчу і Балтыі купляць энергіі ў нас і тады Рыгорыч з урадам будзе за вас, вывядзе расейскія ваеныя базы і пабудуе сцяну на мяжы з Расеей. Карацей, кошт пытання мільярдаӯ 30-40 , дробязі да такой вялікай краіны.
Паказаць усе каментары/ 40 /
Каб пакінуць каментар, калі ласка, актывуйце JavaScript у наладах свайго браўзеру