Злучаныя Штаты Амерыкі (ЗША) спадзяюцца ў будучыні пастаўляць газ Беларусі, карыстаючыся Клайпедскім тэрміналам звадкаванага прыроднага газу (ТЗПГ), заявіў новы пасол ЗША ў Літве Роберт Гілкрыст, піша Delfi.
Урад Літвы сцвярджае, што гатова дапамагчы Мінску дамагацца альтэрнатывы імпарту з Расіі, аднак аналітыкі папярэджваюць, што ў кантраляванага Масквой «Газпрома» ёсць рычагі, каб блакаваць канкурэнцыю ў Беларусі.
«Я быў бы рады бачыць, што праз Клайпеду ішоў звадкаваны прыродны газ, які трапляў бы на рынак Літвы, а, магчыма, і ў Беларусь», — сказаў пасол ЗША ў інтэрв'ю BNS.
Гілкрыст сказаў, што абмеркаваў гэтае пытанне ў Вашынгтоне з прадстаўнікамі Дзярждэпартамента ЗША, збіраецца абмеркаваць гэтую тэму і на сустрэчах у літоўскім урадзе.
На пытанне BNS, ці вядуцца зараз канкрэтныя перамовы аб пастаўках газу ў Беларусь, пасол ЗША адказаў, што гэта даволі новая ідэя, але ёсць спадзеў на вынік. «На мой погляд, надзея сапраўды ёсць. Сакратар [Майк Пампеа] быў там [у Мінску] паўтары тыдні таму. Таму я думаю, што ўсё гэта новае, але я ўжо ведаю, што ЗША гэтым цікавяцца і што пра гэта пойдзе гаворка на сустрэчах ва ўрадзе, якія адбудуцца ў мяне ў найбліжэйшыя дні», — сказаў Гілкрыст.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары