classicalsource.com
Грузчыкі ў Нямеччыне выпадкова разбілі ўнікальны раяль, што належаў канадскай піяністцы і які каштаваў 194 тысячы даляраў. Пра гэта паведамляе CNN.
Вядомая піяністка Ангела Х'юіт 17 гадоў грала на адзіным у свеце фартэпіяна Fazioli F247 з чатырма педалямі. Яна выкарыстоўвала інструмент амаль для ўсіх сваіх запісаў.
У пачатку лютага Х'юіт толькі скончыла запіс варыяцый Бетховена ў Берліне, як у студыю ўвайшлі грузчыкі і паведамілі, што выпадкова выпусцілі яе раяль ручной работы. Піяністка знаходзілася ў такім шоку, што дзесяць дзён не магла распавесці пра гэту навіну.
У кампаніі Fazioli ёй сказалі, што інструмент не падлягае аднаўленню. Пытанне з выплатай страхоўкі да гэтага часу не вырашана.
Х'юіт вельмі любіла свой інструмент і да гэтага часу не можа паверыць у тое, што адбылося. «Спадзяюся, майму фартэпіяна будзе добра ў раі для фартэпіяна», — напісала яна. Яна плануе выбраць новы інструмент ад кампаніі Fazioli ў наступныя некалькі месяцаў.
Нацыянальная адметнасць сумленных беларусаў – працавітасць ды стараннасць, за што і ўзнагароджаныя боскімі дабротамі: урадлівая зямля, пракаветныя пушчы ды блакітныя азёры.