12.02.2020 / 15:06

«Гаварыце па-руску, а то выклічу ахову!» Дзве версіі канфлікту ў краме «Камунаркі» 46

Мінчук Арамаіс Міракян падзяліўся гісторыяй, якая адбылася з ім у фірмовай краме «Камунаркі» на вуліцы Чырвонай. Па словах хлопца, касірка не змагла абслужыць яго па-беларуску, а пасля яшчэ пагражала выклікаць ахову.

Ілюстрацыйнае фота.

«Падыходжу, пытаю: гарбата фруктовая ёсць?

— Говорите по-русски, у нас два государственных языка.

— Я з вамі не па-кітайску і не па-чэску, а на адной з дзяржаўных моў.

— Я сейчас вызову охрану!

— Дайце кнігу скаргаў і паклічце адміністрацыю.

Адміністратарка вельмі выбачалася. Я заўжды слупянею ад хамства, але ліст кіраўніцтву «Камунаркі» я накірую абавязкова», — напісаў Міракян у фэйсбуку.

У краме-кавярні «Нашай Ніве» расказалі сваю версію тых падзей. Па словах адміністратаркі, калі прадавачка не зразумела, што ад яе хочуць, яна папрасіла патлумачыць.

«Яе засмуціла слова «гарбата». Я казала персаналу: вы ж ужо вывучыце «гарбату» і «каву»! Але яна неяк разгубілася.

Потым падышла я, спытала, чым магу дапамагчы. Абслужыла яго вельмі ветліва. Спытала, можа, цукар патрэбны, размаўляла з ім на беларускай мове. Словы прадавачкі пра ахову я не чула. Падышла, калі ўжо пакупнік патрабаваў кнігу скаргаў», — каментуе адміністратарка.

Яна дадае, што пасля здарыўся іншы інцыдэнт. Арамаіс з двума сябрамі засталіся ў кавярні, сядзелі там тры гадзіны, гучна размаўлялі і мацюкаліся.

«Вельмі гучна смяяліся. Мы цярпелі гэта. А потым да нас прыйшла пастаянная пакупніца. Узяла кубачак кавы, пірожнае і села за столік. Падышла да іх і зрабіла заўвагу, што яны непрыгожа сябе паводзяць у кавярні. А потым нам сказала: як вы гэта церпіце, у такіх выпадках выклікаюць ахову. Але мы аховай не пагражалі», — кажуць у «Камунарцы».

Арамаіс не адмаўляе: было, гучна размаўлялі, наведніца паскардзілася. Але, запэўнівае, ахову касірка хацела выклікаць праз беларускую мову.

НЛ

53
Той самы / Адказаць
12.02.2020 / 15:15
Абуральна сябе касірка паводзіла, гэта патрабуе адпаведнага пакараньня. 

Але разам з тым,  сорамна за такога "барцуна" і ягоных сябручкоў, якія не толькі ўжывалі расейскі мат, але і па хамску сябе паводзілі.

На жаль не магу гэта напісаць "барцуну" у ФБ...
56
Henry / Адказаць
12.02.2020 / 15:17
Панапрыязжалі і цягнуць сваю Расею на нашу зямлю, на тое, што мы здабывалі і песцілі вякамі. Хочаш Расею - едзь у сваю Расею.
52
Кажыма праўду / Адказаць
12.02.2020 / 15:27
З сумленным беларусам, годным нашчадкам велічных русінаў, такога не здарыцца. Бо мы ветлівыя імпазантныя дзецюкі, добра выхаваныя і выдатна адукаваныя.

Добраму чалавеку жыццё поўніцца прыязнымі людзьмі. Рабіма свет лепшым :)
Паказаць усе каментары/ 46 /
Каб пакінуць каментар, калі ласка, актывуйце JavaScript у наладах свайго браўзеру