13.02.2020 / 06:42

Заробкі ў Польшчы: сярэдні — ужо 1150 еўра 27

«Заробкі ў Польшчы растуць рэкорднымі тэмпамі. Палякі з мінімалкай таксама адчуваюць гэты рост», — заявіла міністр сям'і, працы і сацыяльнай палітыкі Польшчы Марлена Малонг, піша «Радыё Польшча».

Паводле Галоўнага статыстычнага ўпраўлення, сярэдняя зарплата ў нацыянальнай эканоміцы павялічылася на 4,8% у гадавым вылічэнні і ў 2019 годзе склала 4918 злотых (1155 еўра) без выліку падаткаў.

«Мінімальны заробак таксама значна павялічыўся», — адзначыла Марлена Малонг.

«У 2015-2020 гадах мінімальная зарплата павялічылася з 1750 да 2600 злотых (610 еўра). Такім чынам, мы маем справу з прыростам у 49%», — адзначыла міністр.

Марлена Малонг таксама нагадала, што ў студзені — упершыню за апошнія 30 гадоў — колькасць беспрацоўных у Польшчы склала менш за 1 млн чалавек — 992 тыс.

У Беларусі сярэдні заробак за снежань (з улікам даплатаў пры канцы года) склаў 1238,7 рубля (гэта 517 еўра), у лістападзе ён быў 1113 рублёў (465 еўра). Недзе ж такі будзе і за студзень.

Мінімалка ў нас раўняецца 375 рублям (гэта мізэрныя 157 еўра).

NN.by

65
Быхау / Адказаць
13.02.2020 / 07:26
А сколько долгов и качество жизни. Неубедительно.
3
любите родину мать вашу / Адказаць
13.02.2020 / 07:29
а калісьці, на сыходзе савецкага саюзу, напрыканцы 80-х, пачатку 90-х у Польшчу з Беларусі вывозілі ЎСЁ! усё, што валялася пад нагамі: іржавыя, пагнутыя цьвікі, плугі, ланцугі, нейкія лейцы, вупражы для коней, прасы на вугольлі... усё, што можна было адшукаць на надворку і ў хлеве любога руплівага беларуса!.. прайшло 30 год. і дзе цяпер яны,а дзе мы?
5
Жэнiк / Адказаць
13.02.2020 / 09:11
Даа и как-то завидно,  если честно. Не зря власти Польши хлеб едят, все по делу, развитие на лицо, рот благосостояния, чего не скажешь о наших оболтусах. А страны в начале 90-х примерно одинаково "стартовали",  нас уже  обошли не на один круг.(((.
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру