13.02.2020 / 14:53

«Бабка, аддавай грошы — і табе нічога не будзе». 31-гадовы жыхар Брэсцкай абрабаваў старую жанчыну 4

Сёння ў 8.30 ў міліцыю патэлефанавала 85-гадовая жыхарка Давыд-Гарадка і паведаміла, што каля 7.00 раніцы ў яе дом прыйшоў невядомы.

Жанчына распавяла, што прачнулася з-за дрэннага самаадчування і пайшла па лекі на веранду, дзе ўбачыла незнаёмца ў чорнай куртцы. Мужчына не чакаў раптоўнага з'яўлення гаспадыні і сказаў: «Бабка, аддавай грошы, і табе нічога не будзе!», паведамляе абласная міліцыя.

У пакоі фігурант штурхнуў спалоханую жанчыну на ложак і зняў з яе куртку, з кішэняў якой забраў 620 рублёў. Заўважыўшы залатыя завушніцы, запатрабаваў зняць, а потым збег.

Атрымаўшы прыкметы падазраванага, усе нарады міліцыі Столінскага, Пінскага, Іванаўскага, Драгічынскага і Кобрынскага раёнаў былі арыентаваны на яго пошук.

Урэшце супрацоўнікі крымінальнага вышуку Столінскага РАУС злавілі злачынцу. Ім аказаўся непрацуючы раней судзімы 31-гадовы жыхар Кобрынскага раёна, які быў затрыманы супрацоўнікамі ДАІ і АМАПа на аўтадарозе Івацэвічы — Пінск - Столін.

NN.by

0
Свободный / Адказаць
13.02.2020 / 15:50
Да уж бандиты пошли бабушак грабить, мне кажется это стыдно на уровне насильников
2
Владимир.Бобруйск / Адказаць
13.02.2020 / 17:27
Страна должна знать своих "героев" в лицо!Чтоб на зоне достойно встретили!
1
Жэнiк / Адказаць
13.02.2020 / 18:57
Украл, выпил, в тюрьму- романтика. Хорошо что бабушке ничего не сделал, и не упалил чего.  А то вон начитаешься, волосы дыбом, и убивают и сжигают живьем , ужас... 
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру