13.02.2020 / 18:23

Нарвежцы выйгралі першае золата на чэмпіянаце свету па біятлоне

Беларуская каманда стала 12-й у змяшанай эстафеце на чэмпіянаце свету па біятлоне, які праходзіць у італьянскім Антхольцы, паведамляе карэспандэнт БелТА.

На найвышэйшую прыступку п'едэстала гонару ўзняўся нарвежскі квартэт, які пераадолеў дыстанцыю за 1 гадзіну 2 хвіліны 27,7 сек. На другой пазіцыі размясціліся італьянцы (адставанне 15,6 секунды). Замкнулі тройку лідараў чэшскія біятланісты (адставанне 30,8 секунды).

Беларуская каманда ў складзе Ірыны Крыўко, Алены Кручынкінай, Сяргея Бачарнікава і Антона Смольскага саступіла нарвежцам 2 хвіліны 24,1 секунды, заняўшы 12-ю пазіцыю ў выніковым пратаколе.

NN.by

Каб пакінуць каментар, калі ласка, актывуйце JavaScript у наладах свайго браўзеру