17.03.2009 / 11:20

Ва Ўкраіне перамаглі радыкальныя нацыяналісты 18

Расчараваныя паводзінамі традыцыйных партый, украінцы звярнулі свае погляды да тых, у кім бачаць абаронцаў перадусім нацыянальных інтарэсаў. Аб’яднанне «Свабода» нечакана набрала большасць галасоў на мясцовых выбарах.

Алег Цягнібок — новы лідэр украінскай правіцы. Фото Focus

Аб’яднанне «Свабода» нечакана набрала большасць галасоў на мясцовых выбарах.

Неспадзяваным вынікам закончыліся выбары ў аблраду Тарнопальскай вобласці на Заходняй Украіне. З 34% галасоў на іх перамаглі радыкальныя нацыяналісты з аб’яднання «Свабода». Другое месца занялі прыхільнікі прэзідэнта Юшчанкі з партыі «Адзіны цэнтр» з 14%, трэцяе — Партыя рэгіёнаў Януковіча з 10%. Правалам скончыліся выбары для цяперашняй прэм’еркі Юліі Цімашэнкі, партыя якой сабрала толькі 8% галасоў.

«Свабоду» ўзначальвае былы дэпутат Вярхоўнай Рады Алег Цягнібок, які ў 2004 годзе заслужыў сабе спрэчную рэпутацыю заявай на адрас «маскалёў» і «жыдоў». Тады многія расцанілі ягоныя паводзіны як правакацыю, аплачаную з Масквы.

На мінулых выбарах у парламент ён сабраў толькі 0,7%, а ў Кіеўраду — менш за 3%. Цяпер ён абчасаўся, але ўсё адно займае пазіцыі на крайне правым флангу. Выглядае, што ў час крызісу ўкраінцы, расчараваныя паводзінамі традыцыйных партый, звязаных з буйным капіталам, звярнулі свае погляды да тых, у кім бачаць абаронцаў перадусім нацыянальных інтарэсаў.

МБ

0
Менчук / Адказаць
17.03.2009 / 11:39
Сьлед нагадаць, што менавіта ВА "Свабоду" падтрымлівалі і падтрымліваюць сьвядомыя беларусы Ўкраіны. А праграма "Свабоды" мала чым разьніцца ад праграмы БНФ: http://www.svoboda.org.ua/ Нацыяналісты заўсёды перамагаюць, бо менавіта яны любяць свой народ!
0
Димыч / Адказаць
17.03.2009 / 12:43
Менчук напiсаў(ла) Сакавiк 17, 2009 у 10:39 "Нацыяналісты заўсёды перамагаюць, бо менавіта яны любяць свой народ!" Ага, а остальные только и думают как продать Родину маскалям.:)) Мужик, ты хоть понял че сказал?:)) Какую траву палишь?:))
0
Пушча / Адказаць
17.03.2009 / 12:50
Паважаны Мянчук, аднак ад БНФ ніколі ня чуў заяў супроць жыдоў. Такія заявы ёсьць назнакай палінычнай шызаырэніі.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру