14.02.2020 / 12:20

Беларуская піянерыя выдзеліла грант, каб спрыяць культуры нашэння гальштукаў 27

Беларуская рэспубліканская піянерская арганізацыя правяла конкурс малых грантаў. Выбірала самыя нестандартныя сацыяльна значныя ініцыятывы. І ў выніку назвала пераможцам праект «Гальштук — гэта трэнд!»

Яго мэта — прышчапіць культуру штодзённага нашэння гальштука.

«Тут няма навязвання, мы прывучаем у гульнявой форме. Робім ухіл на сучаснасць», — кажа аўтарка праекта Наталля Канаплянік, старшыня Старадарожскага райсавета піянераў.

Дзецям прапануюць удзельнічаць у чэленджах і флэшмобах, здымаць лайфхакі, рабіць сэлфі. Паўсюль, зразумела, у гальштуку. А вынікам стане фестываль у маі «Мой гальштук — мой гонар».

Фота з суполкі ў ВК «Піянеры Старадарожчыны».

«Раней дзеці неахвотна яго насілі. А цяпер гэта ўваходзіць у сістэму. Яны ўжо не ўяўляюць, як пайсці ў школу без гальштука, разумеюць, што не трэба яго складаць у кішэню»,

— хваліцца вынікамі Наталля Канаплянік.

Па яе словах, у некаторых класах Старых Дарог 90% вучняў носяць піянерскі гальштук штодня. «А ў сельскіх — 100%! Там прасцей пракантраляваць», — дадае аўтарка праекта.

Сума гранта, праўда, невялікая. Летась гэта было 500 рублёў.

НЛ

0
Генэрал Голад / Адказаць
14.02.2020 / 12:32
Жыву каля школы і ніводнага вучня з гэтым хамутом не бачыў ніколі. Што яна вярзе, якія 90-100%? Можа гэта толькі ў Сьветлагорску?
0
Vox Populi / Адказаць
14.02.2020 / 12:42
ідыятызм! ашыйнікі дзецям чапляюць, каб прадэманстраваць, што яны рабы гэтай сістэмы!
1
Axel Justas / Адказаць
14.02.2020 / 12:48
Бедныя дзеці... Ну і "прасцей пракантраляваць" - вось і ўсё тлумачэнне чаму гальштукі не ляжаць ў кішэні. На закаце саўка ў нашай школе на ўваходзе таксама стаялі тлустыя цёткі ў піянерскай форме і не пускалі пакуль гальштук не нацягнеш. Не дапамагло...
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру