14.02.2020 / 17:33

Сям’я асуджанага за педафілію Давыдовіча хоча, каб СМІ выдалілі адрас катэджа, куды вазілі хлопчыкаў 13

У Рэдакцыю «Нашай Нівы» звярнуўся Андрэй Давыдовіч, сын асуджанага за дзеянні сэксуальнага характару з непаўналетнімі Вячаслава Давыдовіча. Ён хоча, каб «Наша Ніва» выдаліла з усіх артыкулаў адрас дома, у якім здзяйсняў злачынствы яго бацька. Матывацыя такая: маўляў, калі чалавек увядзе ў гугл адрас «Мікалаеўская, 9», у яго складзецца негатыўнае ўражанне пра гаспадара дома.

Вячаслаў Давыдовіч вучыўся ў Акадэміі МУС, працаваў міліцыянтам, кадравым супрацоўнікам у Адміністрацыі прэзідэнта. А потым заснаваў міжнародную дабрачынную грамадскую арганізацыю «У дапамогу дзецям-сіротам». Фота Сяргея Гудзіліна

Андрэй Давыдовіч называе сябе ўласнікам дома і наракае, што згадка адраса на сайце NN.by абмяжоўвае яго правы.

«Лічу, што інфармацыя, якая ўтрымлівае адрас дома, носіць асабісты характар і не можа быць распаўсюджана без маёй згоды», — тлумачыць ён.

Аднак не ўсё так проста.

Нагадаем, гіганцкі катэдж у Зацані пад Мінскам трапіў у цэнтр грамадскай увагі як месца, куды для сэксуальных забаў заваблівалі непаўналетніх хлопчыкаў.

Плошча катэджа Давідовіча — больш за 1700 квадратных метраў. Ён адзін з самых вялікіх у Беларусі

Чытайце. Навошта «сур'ёзныя дзядзькі» заваблівалі непаўналетніх хлопчыкаў у катэдж у пасёлку Зацань?

Калі над Давыдовічам сталі згушчацца хмары, ён на ўсялякі выпадак перапісаў катэдж на сына.

Справа ў тым, што спачатку Давыдовіча судзілі па эканамічным артыкуле, за прадпрымальніцкую дзейнасць без рэгістрацыі з атрыманнем прыбытку ў асабліва буйным памеры. З яго спагналі амаль 100 тысяч рублёў, але катэдж не чапалі, бо на той момант ён фармальна не быў ва ўласнасці Давыдовіча. Пасля быў яшчэ і «сэксуальны» артыкул, але ў выніку злачынец адседзеў усяго каля 4 гадоў.

Прычым, як высветліла «Наша Ніва», у жніўні 2019 года сын вярнуў бацькаў «падарунак» назад. Вячаслаў Давыдовіч зноў стаў гаспадаром таго самага дома і застаецца ім дагэтуль.

Аказалася, яго сын схлусіў у лісце ў «Нашу Ніву» пра тое, што валодае катэджам. Адметна, што ён даслаў у «Нашу Ніву» перапіску з некаторымі іншымі СМІ. Яны вырашылі выдаліць адрас дома Давыдовіча са сваіх старых артыкулаў.

фоты Надзеі Бужан

0
мясцовы2 / Адказаць
14.02.2020 / 17:29
ну хоць хтось фактчэкінг робіць
5
metsavend / Адказаць
14.02.2020 / 17:50
Не мешало бы ещё на дороге, ведущей  к дому этого любителя мальчиков повесить табличку примерно такого содержания: "Там живёт педофил. Будьте осторожны!" . В некоторых странах так и делают: когда педофил после отбывания наказания выходит на свободу, полицейский предупреждает жителей об их соседе - по какой статье он отбывал срок. 
1
Владимир123 / Адказаць
14.02.2020 / 17:58
Рэд. Дзякуй.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру