15.02.2020 / 09:34

У Глыбоцкім раёне хлопец за вечар скраў дзве машыны: адну зламаў, другую зваліў у кювет 1

9 лютага 18-гадовы жыхар Глыбоцкага раёна вырашыў дабрацца дадому на аўто. Сваёй машыны ў яго не было. Ён скраў старэнькі «Мерседэс», які належаў аднаму з яго калег, паведамляе міліцыя.

З'ехаць далёка на машыне не атрымалася праз паломку, якую прычыніў сам злодзей. Пасля хлопец адправіўся па іншы транспартны сродак.

Яго ён знайшоў непадалёк. На гэты раз, скарыстаўшыся кінутымі гаспадаром ключамі ў запальванні, малады чалавек скраў аўтамашыну «Рэно Лагуна». Але і на гэты раз паездка аказалася не доўгай. Не справіўшыся з кіраваннем, вясковец з'ехаў у кювет.

Малады чалавек быў затрыманы супрацоўнікамі крымінальнага вышуку Глыбоцкага РАУС. Завялі крымінальную справу.

NN.by

0
0.5 / Адказаць
16.02.2020 / 23:16
Как то русскому дали два  стальных ядра и заперли в глухой комнате без окон. Так он один шар потерял, а второй сломал.
Каб пакінуць каментар, калі ласка, актывуйце JavaScript у наладах свайго браўзеру