У Рускай праваслаўнай царкве (РПЦ) грамадзянскіх жонак назвалі бясплатнымі прастытуткамі. Такое меркаванне выказаў старшыня патрыяршай камісіі па пытаннях сям'і протаіерэй Дзімітрый Смірноў, перадае «Інтэрфакс».
Смірноў таксама заявіў, што грамадзянскія жонкі — часовая ўцеха. На яго думку, расійскія жанчыны не разумеюць, што такое шлюб.
«Неахвота сказаць «Я бясплатная прастытутка», таму кажуць: «У мяне грамадзянскі шлюб». Добры дзень! Ды не, ты проста бясплатна аказваеш паслугі — і ўсё, а так цябе ніхто за жонку не лічыць», — сказаў протаіерэй.
Святар адзначыў, што ў Расіі замужніх жанчын на мільёны больш, чым жанатых мужчын. Ён патлумачыў гэта тым, што многія мужчыны жанатыя грамадзянскім шлюбам. Па словах Смірнова, яны не лічаць за жонак тых, з кім жывуць такім чынам. «Ну што, цяжка зарэгістравацца, ці што? Ды не, ніякай цяжкасці», — абурыўся прадстаўнік РПЦ.
